InfoHub Logo

Aqtóbe qalasyndaǵy Nazarbaev zıatkerlik mektebiniń 9-synyp oqýshysy Sanjar Hamıt Antalıada ótken halyqaralyq pán olımpıadasynyń jeńimpazy atandy.

Sanjar Hamıt geografıa páninen İ oryn, aǵylshyn tilinen İİİ oryndy ıelendi. «Sanjar Hamıt 7 synypta oqyp júrgende aǵylshyn tilin jetik biletinin baıqaǵan bolatynmyn. Sodan ony mektep olımpıadasyna daıyndalýǵa shaqyrdym. Ol birinshi orynǵa ıe boldy jáne jeńis joly osylaı bastaldy», – dedi zıatkerlik mekteptiń aǵylshyn tili muǵalimi Janna Bakırshınova. Túrkıada ótken olımpıada eki bólimnen turdy. Olar testileý jáne pán men týrızm boıynsha praktıkalyq kezeń. Sanjar Hamıt geografıa olımpıadasynyń 160 qatysýshysynyń ishinen oza shyqty. «Olımpıadalardyń arqasynda ózin-ózi damytýǵa degen qyzyǵýshylyq paıda boldy. Antalıadaǵy jeńisten keıin men ózimdi ártúrli baǵytta synap kórgenim beker emes ekenin túsindim. Endi jańa belesterdi baǵyndyrýǵa tyrysamyn», – dedi 9 synyp oqýshysy S. Hamıt. Olımpıadaǵa jalpy bilim beretin mektepterdiń bastaýysh, orta jáne joǵarǵy synyp oqýshylary, Túrkıadan, Reseı Federasıasynan jáne basqa TMD elderinen kelgen orta kásiptik bilim berý oryndarynyń stýdentteri qatysty.

---