InfoHub Logo

Telegram messendjerinde aqshaǵa «óshin alýǵa» bolatyn jarnama taraýda. Bul qyzmetterdiń tiziminde telefon arqyly qorqytýdan bastap, múlikti órteý, adamdy soqqyǵa jyǵý sıaqty áreketter bar. Bul týraly Infohub.kz aqparat agenttigi habarlaıdy.

Qaýipti usynystar

Jelide belgisiz tulǵalar «máselelerdi standartty emes joldarmen sheshýdi» usynatyn habarlamalar paıda boldy. Olar klıentterge «ádettegi sózder jumys istemeıtin jaǵdaılarda qoldaý kórsetemiz» dep ýáde beredi.

Jarnama avtorlary qupıalylyq pen ár klıentke jeke qarym-qatynas jasaıtyndaryn aıtady.

Usynylatyn «qyzmetter» qatarynda telefon arqyly qorqytý, adamdy soqqyǵa jyǵý, páter esigin órteý, avtokólikti órteý, sondaı-aq qala syrtyna shyǵaryp, zorlyq-zombylyq kórsetý bar. Qosymsha aqy tólese, bul áreketterdi vıdeoǵa túsirip beretinin de aıtqan.

İshki ister mınıstrliginiń jaýaby

Tengrinews.kz agenttigi jarnama skrınshottarymen birge resmı saýaldy İshki ister mınıstrligine joldady. Vedomstvo ókilderi quqyq qorǵaý organdarynyń ınternetti baqylap otyrǵanyn jáne tıisti sharalar qabyldap jatqanyn habarlady.

«Óz quzyreti sheńberinde ishki ister organdary ınternetti monıtorıńilep, zańsyz jáne qoǵamǵa qaýipti qyzmetterdi usyný týraly jarnamalardy anyqtap, olardy buǵattaýǵa bastama jasaıdy.

Jekelegen jaǵdaılarda jınaqtalǵan materıaldar men málimetter zańnamada belgilengen tártippen quqyqtyq baǵalaý jáne prosesýaldyq sheshim qabyldaý úshin ishki ister organdarynyń múddeli bólimshelerine beriledi», — dep jaýap berdi mınıstrlik.

İİM kıberqylmysqa qarsy júıeli jumysty jalǵastyratynyn jáne azamattardy saq bolýǵa, sondaı-aq quqyqqa qarsy áreketter týraly dereý quqyq qorǵaý organdaryna habarlaýǵa shaqyratynyn atap ótti.