InfoHub Logo

Maqsaty:
Adamgershilik qasıetterin qalyptastyrý maqsatynda bilimge degen qyzyǵýshylyǵyn artyrý. Oqýshylardyń mánerlep oqý, sóıleý máneri, án - bı arqyly oı - órisin damytý, úlkendi qurmetteýge, ata - anany syılaýǵa, ónerdi dáripteýge tárbıeleý.
Kórneki quraldary: ana týraly naqyl sózder men óleńder jazylǵan plakattar, analardyń sýretteri, t. b
Uıymdastyrý kezeńi:
Oqýshylardy sapqa turǵyzý.
Synyptyń daıyndyǵyn tekserý.
Muǵalim: Armysyzdar, qurmetti analar!
Qazaq halqy áıel zatyn erekshe qadirlegen. Ul balany ómirdiń ashshy - tushshysyn kórip óssin dep ysyla bilsin, tuıaǵy tasqa salsa ketiler, sýǵa salsa jetiler degen oımen ulyn jel ótine ustasa, qyzyn az kúndik qonaǵym, altynnyń synyǵy, shuǵanyń qıyǵy dep bórkiniń tóbesine úki qadap, úlpildetip ósirgen. Mine jyl artyna jyl salyp kóktemniń alǵashqy kúnderimen keletin aıaýly qyzdarymyzdyń, ardaqty analarymyzdyń 8 - naýryz merekesi qutty bolsyn!
Endi synybymyzdyń daıyndaǵan ashyq tárbıe saǵatyn tamashalaýǵa shaqyramyn.

1 - júrgizýshi.
Ana jaryq dúnıedegi árbir adamnyń eń jaqyny, janashyry, qadirlisi, qamqorshysy, aq sútin emizip aıalaǵan, janyn da aıamaǵan ardaqtysy.
Ana – júrek, júrekti qudirette,
Ana – tirek, tirekti qurmette.
Ana – shyńyń, shyńyńa saǵynyp jet
Ana – kúniń, kúnińe tabynyp ót.

2 - júrgizýshi: Rasynda da adamnyń ádeptiligi men jan dúnıesiniń sulýlyǵy eń aldymen anaǵa aq sútin berip, álpeshtep ósirgen ana júreginiń jylýynan bastalady. Boıymyzdaǵy eń jaqsy qasıetter bizge aldymen anadan taraıdy. Ananyń názik úni, jumsaq ta aıaly alaqany, jan jylýymen aıalaýy bizdi áldılep jubatady, kóńilimizdi sergitedi.
At bıeden týady, alyp anadan týady deıdi dana halqym. Dúnıede anasyz adam joq. Qalamy júırik jazýshy da, danyshpan ǵalym da, el basqarǵan kósem de, kúmis kómeı ánshi men myń buralǵan bıshi de anadan týady. Ana - tirshilik gúli, otbasynyń berekesi, búkil adamzattyń tárbıeshisi.
Dúnıedegi eń ardaqty asyl jan
Anam meni mápelegen jasymnan
Men qýansam qýanady ol birge
Men qınalsam tabylady qasymnan
Maǵan qymbat jan joq sirá anadan
Bar jaqsylyq analardan taralǵan
Jer betine ómir nárin sebýshi
Ana aldynda boryshty ǵoı bar adam.

Án: Anashym.
Anaǵa arnaý: Janar.
Birjan.
1 - júrgizýshi:
Ómirde ana – bulaq, ana – pana,
Ómirde órkendeter ana ǵana
Ósirgen talaı kósem, talaı sheshen,
Talaı er, talaı aqyn, talaı dana

2 - júrgizýshi:
Ana deımiz bárimiz de ańqyldap,
Ana deıdi jas sábı de jarqyldap.
Ana degen – báıteregi ómirdiń,
Ana degen – altyn qazyq, altyn baq.

Án: Asyl ájem.
Kórinis: Úsh som.
Anaǵa arnaý: Bergenjan Anýar.

1 - júrgizýshi:
Kúlki estilmese, barlyǵy jalt qaralar,
Qaljyńmenen jaraspaqqa talasar.
Árqashan da ázilimiz jarasar.

Án: «Án dombyra»
Kórinis: Qojanasyr men Aldar Kóse.
Anaǵa arnaý: Eldızar.
Janbota.
2 - júrgizýshi:
Ana – degen asyl jandar bolattaı,
Ana – degen móldir jandar bulaqtaı
O, adamdar, qadirleı bil anany,
Jat qylyqqa aqyl – oıdy toqtatpaı.

1 - júrgizýshi:
Bıshi qyzdar ónerine senińizder
Menimenen qanekeı erińizder
Álemdi qydyrǵandaı sezinesiz
Ónerdi júrekpenen kórińizder

Bı: qyzdar toby
Anaǵa arnaý: Raýan.
Aınur.

2 - júrgizýshi:
Án áýeni kógimizde samǵaıdy
Kóńilderdi qýanyshqa jalǵaıdy
Ánmen birge men ushsam aspanda
Qos qanatym máńgi – baqı talmaıdy