InfoHub Logo

Armenıa premer-mınıstri Nıkol Pashınán Erevan metrosynda jolaýshy áıelmen Qarabaqtaǵy jaǵdaıǵa baılanysty pikirtalasqa tústi. Bul týraly NEWS.am saıtyna silteme jasap Tengrinews.kz habarlaıdy.

Pashınánǵa Qarabaqtan armándardyń kóship ketýi týraly suraq qoıylǵanda, ol ashýǵa minip, bylaı dep jaýap berdi: «Biz sizderdiń Qarabaqta ómir súrýlerińiz úshin barlyǵyn jasadyq jáne 2023 jyly dál sizder meni halyqtyń Qarabaqtan Armenıaǵa ketýine jol bermedi dep aıyptadyńyzdar. Endi mine, sizder munda kelip: «Oı, biz qaıta oralǵymyz keldi» deısizder.

Premer-mınıstrdiń aıtýynsha, bılik Qarabaq turǵyndarynyń qalýyna múmkindik berý úshin «armándar tapqan mıllıardtaǵan qarjyny jumsaǵan».

«Onda nege qalmadyńyzdar?» dep surady ol.

Pashınánnyń ústinde Armenıa kartasy beınelengen belgi bolǵan. Ol áıeldi «bul karta týraly mundaı mensinbeı sóılemeýge» shaqyrdy.

«Men Qarabaqty berdim dep aıtýǵa tyryspańdar, sender sıaqty qashyp ketkender», - dedi premer-mınıstr.

Eske sala keteıik, 2020 jyldyń qarasha aıynda ekinshi Qarabaq soǵysynan keıin Nagornyı Qarabaqtyń bir bóligi Ázerbaıjannyń baqylaýyna ótti. Al 2023 jyldyń qyrkúıeginde Ázerbaıjan búkil aımaqty tolyq baqylaýyna aldy. Sodan keıin Qarabaqtan 100 myńnan astam armán kóship ketti. 2015 jylǵy sanaq boıynsha, moıyndalmaǵan respýblıkanyń halqy 145 053 adam bolǵan, onyń 99,74 paıyzy armándar.