InfoHub Logo

16 sáýirge qaraǵan túni londondyq «Arsenal» Chempıondar lıgasynyń 1/4 fınalynda portýgalıalyq «Sportıngpen» teń oınap, jartylaı fınalǵa shyqty. Bul týraly Tengri Sport habarlaıdy.

Mach Londondaǵy «Emıreıts» stadıonynda ótti. Birinshi oıynda «Arsenal» 1:0 esebimen jeńgen bolatyn.

Komandalardyń quramy

«Arsenal»: Raııa (Q), Moskera, Salıba, Gabrıel, Hınkapı, Sýbımendı, Raıs, Eze, Madýeke, Martınellı, Dekeresh.

«Sportıng»: Sılva (Q), Kýarejma, Dıomande, Inasıý, Araýho, Morıta, Húlman, Trınkao, Gonsalvesh, Katamo, Sýares.

Mach barysy

Oıynnyń birinshi jartysynda eki komanda da dopty teńdeı ıelendi – 53%-47%. Birinshi taımnyń sońynda «Sportıng» esep ashýǵa jaqyn keldi, alaıda shabýylshy Jenı Katamonyń soqqan doby shtangaǵa tıip, qaqpadan tysqary ketti.

Ekinshi taımda «Arsenal» oıynshysy Nonı Madýeke jaraqat alyp, 63-mınýtta alańnan shyqty. Onyń ornyna 16 jastaǵy Maks Doýman shyqty.

84-mınýtta «Arsenal» tarapynan da shtangaǵa soqqy boldy. Maks Doýmannyń buryshtamadan bergen dobyn Leandro Trossard basymen qaqpaǵa baǵyttady, biraq dop taǵy da shtangaǵa soǵyldy.

Machtyń qorytyndy esebi – 0:0. Birinshi oıynnyń nátıjesimen eseptelgende, «Arsenal» 1:0 esebimen jeńiske jetti.

Osylaısha, londondyq «Arsenal» Chempıondar lıgasynyń jartylaı fınalyna joldama aldy. Onda komanda madrıdtik «Atletıkomen» kezdesedi.