InfoHub Logo

Sot prosesi barysynda belgili bolǵan derekter qoǵamdy alańdatty: «Asar-Ume» qoǵamdyq birlestiginiń prezıdenti Asqat Nurmashevtyń aıtýynsha, qor halyqtan jınalǵan 293 mln teńgeniń 200 mıllıonyn Perızat Qaırat basqaratyn uıymnyń shotyna aýdarǵan. Buǵan Perızat Qaırattyń ózin Abý-Dabıdegi gýmanıtarlyq habpen baılanysy bar dep tanystyrýy sebep bolǵan.

— Perızat Qaırat bizden qalǵan 93 mln teńgeni de óziniń jeke shotyna aýdarýdy surady. Alaıda esep bergennen keıin biz kelisimshart talaptarynyń buzylǵanyn anyqtap, bul somany aýdarmaı qoıý týraly sheshim qabyldadyq, — dedi Asqat Nurmashev sotta kýálik berý kezinde.

Aıta keteıik, Perızat Qaırat basqaratyn qorǵa jalpy 566 mln teńge kóleminde qarajat jınalǵan. Alaıda sonyń nebári 7 mln teńgesi ǵana Palestınanyń Qazaqstandaǵy elshiliginiń resmı shotyna jiberilgen. Qalǵan qarajattyń qaıda jumsalǵany — tergeý nysanynda. Aldyn ala málimetke sáıkes, qarjynyń basym bóligi jeke maqsattarǵa paıdalanylǵan.

Bul oqıǵa qaıyrymdylyq salasyndaǵy ashyqtyq pen baqylaýdyń álsizdigin taǵy bir márte kórsetti. Qoǵam qaıyrymdylyq qorlarynyń qyzmetine qatań talap qoıýdy jáne baqylaýdy kúsheıtýdi talap etýde.