InfoHub Logo

Ázerbaıjanda orys tilinde bilim beretin mektepterdiń jabylatyny týraly málimet áleýmettik jeliler men messendjerlerde tarap, jurt arasynda qyzý talqy týdyrdy. Bul týraly “Adyrna” ulttyq portaly Oxu.Az-ǵa silteme jasap habarlady.

Ata-analar WhatsApp toptarynda orys mektepteriniń jabylýy múmkin ekeni jóninde habarlamalar alǵandaryn aıtqan. Basylymnyń dereginshe, elde orys mektepteri kezeń-kezeńimen jabylady degen boljam aıtylǵan. Mundaı bastamanyń artynda ázerbaıjan tiliniń bilim berý salasyndaǵy mártebesin kúsheıtý jáne barlyq azamattardy ortaq til aıasynda biriktirý maqsaty turǵany alǵa tartylǵan.

Boljam boıynsha, aldaǵy úsh jyl ishinde orys mektepteri tolyqtaı ázerbaıjan tiline kóshirilip, muǵalimderge arnalǵan qaıta daıarlaý kýrstary uıymdastyrylmaq.

Alaıda, bul málimetke qatysty Ázerbaıjannyń Ǵylym jáne bilim mınıstrligi resmı jaýap berip, taratylǵan aqparatty joqqa shyǵardy.

— Bul — shyndyqqa janaspaıtyn jalǵan aqparat. Mundaı máselede tek resmı derekkózderge senim artý kerek, — dep málimdedi vedomstvo RIA Novostı agenttigine bergen túsiniktemesinde.