Ash qasqyrdyń dámesi
Neshe kúnnen beri qandy aýzyna qara shybyn da ilinbegen bir qasqyr aýyldy toryp, qoraǵa jaqyn kelipti. Jalǵyz tal shıdi panalap, jer baýyrlap, jan-jaǵyna alaqtap, bir úıdiń irgesine taıapty. Úı ishinen jylaǵan balanyń daýsy shyǵady.
— Jylama, qoı endi, jylaı berseń, qasqyrǵa bere salamyn, — depti sheshesi balasyna.
— Meniń ash júrgenimdi aýyl kisileri de biledi eken ǵoı, endi jylasa, balasyn maǵan bere salar, — dep dámelengen qasqyr úıdiń irgesinde jata beripti. Balanyń jylaýyn kútipti. Sol otyrǵannan tańǵa taıanǵansha otyrypty.
Bir kezde kútkenindeı-aq, bala taǵy jylapty.
— Jylama, balam, qasqyrǵa bermeımin, ol endi keletin bolsa, ony uryp óltiremin, — dep ýatypty sheshesi.
— Adamdardan maǵan paıda joq eken, endi tabanymdy jaltyrataıyn, — dep qasqyr ornynan qozǵala beredi. Tań raýandap atyp qalǵan eken, turyp jatqan adamnyń kózine túsken qasqyr tus-tus jaqtan tap bergen úlken kúshtiń ótinde qalady.
Baladan dáme qylǵan qasqyr ajaldyń qarmaǵyna ilinip, terisi jaıylyp, tyndym bolady.
You Might Also Like
-
Halqymyzdyń tarıhynda Baraq birnesheý bolyp kezdesedi. Qaıym Muhamedhanov óziniń bir zertteýinde «qazaq tarıhynda uzyn sany 12 Baraq bolǵan» degendi aıtady.
