InfoHub Logo

Atam ekeýimiz kól jaǵalap kele jatyr edik, kenet bir top qaz qańqyldaı kóterilip, tóbemizden asa ushty.

— Ata, bizdiń úıdegi qazdar nege myna qazdarǵa uqsap samǵap usha almaıdy? — dep suradym atamnan.

Atam aspaı-saspaı betime bir qarap aldy da, basyn kóterip, ushyp bara jatqan qazdarǵa qarady:

— Balam, árkim óz betimen eńbek ete bilý kerek. Bir kezderi bizdiń úıdegi qazdar da aspandap ushqan, óz betterimen tirshilik etken. Bertin kele adam olardy qolǵa úıretip, qoradan shyǵarmaı ustady. Daıyn tamaq, ázir as, jegeni — aldynda, jemegeni — artynda.

Eger óz betińmen eńbek etpeı, kóp qımyldamaı, únemi bireýge ıek arta berseń, sen de asyrandy qazdarǵa uqsap, boıyńdaǵy bar qabiletińnen aıyrlasyń. Bıikke samǵap usha almaısyń, — dedi.

Shynynda solaı eken-aý degen oıǵa keldim.

---