InfoHub Logo

Biz jigittiń alǵyryn, batylyn, ójetin, qaısaryn qyranǵa teńeımiz. Óıtkeni, qyran qus bıikte ósip, bıikke samǵaıdy. Kók tósinde qanatyn qaqpaı uzaq ýaqyt qalqyp júrgen qyran qusqa kim de bolsa qyzyǵa qaraıdy. Aspan aıasynda syzyp bara jatqan qyrandy keıde kúmis qanat ushaq pa dep te qalasyń.

Iá, qyran — erlik pen órliktiń, symbat pen sulýlyqtyń sımvoly, ıaǵnı belgisi. Alaıda sol qyran birden qyran bola qalady ma?

Qyrandar eki myń metr bıikten joǵary taý shyńdarynda uıa salyp, eki jylda bir ret jumyrtqalaıdy eken. Ana qyran jumyrtqasyn shaıqap, balapan jaryp shyqqannan keıin, onyń aıaǵyn qylmen uıaǵa bekitip qoıady da, ata qyran ekeýi jem izdep ketedi. Eki qyran kezek-kezek balapandaryna jem ákelip berip júredi.

Arada birnshe kún ótip, balapan óse beredi. Sary úrpek aýyzy qara qoshqyldanyp, qanatyn jıi-jıi qomdap, ushýǵa talpyna bastaıdy. Osy kezeńdi baıqap júgen ata qyran balapannyń aıaǵyndaǵy uıaǵa bekitýli qyldy úzip, ony teýip, tómen qaraı qulatyp jiberedi. Bala qyran bolsa tómen qaraı qulap bara jatyp, qanatyn jaıyp jiberip, qalyqtaı ushady. Ol jerge jaqyndap baryp, bıikke qaıta kóteriledi. Mine, sóıtip baryp bala qyran birtindep naǵyz qyranǵa aınalady. Sol kúnnen bastap ata-anasyna alańdamaı, óz betinshe ómir súrip ketedi.

Al, uıadan teýip jibergende qanatyn jaıyp úlgere almaǵan balapan jerge qulap, mert bolady.

Shirkin, adam balasy da qanatyn der kezinde jaıyp, kókke kóterilgen qyran balapanyndaı óz betinshe ómir súrip ketse ǵoı...

---