kaztag.kz
Astana áýejaıynda qamalyp qalǵan sheshen azamatyna advokattar kómekke keldi
Astana áýejaıynda qamalyp qalǵan sheshen azamatyna advokattar kómekke keldi
Sheshenstandyq Zelımhan Mýrtazovqa zań kómegin kórsetý úshin advokattar Rena Kerımova men Elena Jıgalenok Astana áýejaıyna attandy. Bul týraly Infohub.kz aqparat agenttigi habarlaıdy.
Advokat Rena Kerımova áleýmettik jelidegi paraqshasynda: «Biz Elena Jıgalenokpen birge Astana qalasynyń áýejaıynyń halyqaralyq termınalynyń tranzıttik aımaǵynda belgisiz sebeptermen 36 kún boıy turyp qalǵan Mýrtazov Zelımhan Mýhmat-Amınovıchke zańgerlik kómek kórsetý úshin ushyp baramyz», – dep jazdy.
Ol sondaı-aq ýákiletti organdardan «Zelımhanmen qupıa kezdesýdi qosa alǵanda, zańgerlik kómek kórsetýge kedergi jasamaýdy» surady.
Ne boldy?
@zelim_terminal_astana akkaýntyndaǵy aqparatqa sáıkes, Zelımhan Mýrtazaev Ýkraınadaǵy soǵysqa májbúrlep qatysýdan qutylý úshin Qazaqstanǵa kelgen. Ol saıası baspana suraǵan, biraq qazirgi ýaqytta Reseıge deportasıalaný qaýpimen Astana áýejaıynda ustalýda.
Fotosýret Instagram/@zelim_terminal_astana paraqshasynan alyndy.
-
Sottalǵan Perızat Qaıratqa kolonıada jumys tabylmady. Ol qandaı mamandyqtardy meńgere alady?
-
Astanadaǵy depýtattar qar tazalaýǵa qatysty jańa usynys jasady. Bul búdjetti únemdeýge jáne jol jabynyn saqtaýǵa kómektesedi.
