InfoHub Logo

Astanada 2026 jyly LRT (jeńil relsti kólik) júıesi iske qosylady. Bul jańa kólik júıesi qala ishindegi joldardaǵy kólik keptelisin azaıtyp, turǵyndardyń qatynaýyn jeńildetedi dep kútilýde.

City Transportation Systems kompanıasynyń málimetinshe, LRT poıyzdarynyń aralyǵy 5-10 mınýtty quraıdy. Stansıalar arasyndaǵy jol júrý ýaqyty 1,5-3 mınýtqa sozylady.

Eń uzaq baǵyt, ıaǵnı "Nurly jol" vokzalynan "Aeroport" stansıasyna deıingi aralyqty júrip ótý shamamen 40 mınýtty alady. Poıyzdyń jyldamdyǵy saǵatyna 40-50 shaqyrym bolady.

LRT júıesine mamandar daıarlaý jumystary josparly túrde júrgizilip jatyr. Oqytý prosesi jaqyn aılarda aıaqtalady dep kútilýde.

Sondaı-aq, kompanıa elektrondy tólem júıesi men poıyz qozǵalysyn baqylaý servısterin ázirleýde. Stansıalar bılet satý oryndarymen, kútý zaldarymen, sanıtarlyq toraptarmen, eskalatorlarmen jáne múmkindigi shekteýli jandarǵa arnalǵan lıfttermen jabdyqtalady.