InfoHub Logo

Astanadaǵy jeńil relsti kólik (LRT) jobasynyń ataýy ózgertildi. Bul týraly máslıhat otyrysynda málim boldy. Depýtattar burynǵy anglofondyq ataýdan bas tartyp, jobaǵa jańa esim berdi.

Bul týraly Infohub.kz aqparat agenttigi habarlaıdy.

Jańa ataýlar usynyldy

Qala turǵyndarynan LRT jobasyna birneshe ataý usynylǵan. Olardyń qatarynda «Suńqar», «Lashyn», «Aspan», «Tarlan» syndy ataýlar boldy. Kóp talqylaýdan keıin depýtattar «Tarlan-Astana» ataýyn qoldaý týraly sheshim qabyldady.

Depýtat Baýyrjan Qasymbergebaevtiń aıtýynsha, bul ataýdy qalanyń onomastıka komısıasy usynǵan. «Bul ataýdy bizdiń qalalyq onomastıka komısıasy usyndy. Osyǵan baılanysty birneshe usynysty qarastyrdyq. Olar qala turǵyndarynan kelip túsken bolatyn. Búgin LRT-ny «Tarlan-Astana» dep ataý týraly sheshim qabyldandy», - dedi depýtat.

Nege ataý ózgertildi?

Depýtattyń sózinshe, LRT – bul tek kólik túriniń tehnıkalyq ataýy. Al kóptegen elderde jeńil relsti kólikterdiń ózderine tán, jergilikti turǵyndarǵa túsinikti ataýlary bolady. Astanada da osy úrdisti ustaný týraly sheshim qabyldandy.

«Bizdiń Astanada da LRT osylaı atalyp, týrıser men qonaqtarǵa jaqsy áser qaldyrsa eken degen nıet boldy. Jańa ataý arqyly jobany elimizben baılanystyrý kózdeldi», - dep túsindirdi ol.

Jobanyń kóp jyldan beri jalǵasyp kele jatqan daýly tarıhyna baılanysty ataýdyń ózgerýine qatysty suraqqa depýtat bul faktordyń da bar ekenin joqqa shyǵarmady. Alaıda, basty maqsat – jobanyń ımıjin jaqsartý ekenin atap ótti.

Aıta keteıik, Astana LRT jobasy 16 mamyrda iske qosyldy. Joba boıynsha qalada 18 stansıa bolady. Marshrýt qalanyń negizgi iskerlik ortalyqtary men turǵyn aýdandary arqyly ótedi.