InfoHub Logo

Elorda tórindegi QazMedıa ortalyǵynda jyl saıynǵy Astana Media Week ótkizildi. 

Astana Media Week bul otandyq medıa ındýstrıany damytý jáne iskerlik qatynastardy nyǵaıtý úshin Qazaqstannyń memlekettik, táýelsiz, kásibı jáne jańa BAQ-taryn biriktiretin is-shara. 

Elimizdegi basty komýnıkasıa alańynda vedomstvo basshylary, halyqaralyq sarapshylar, ınflúenserler men sala mamandary kezdesip, ózekti máselelerdi talqylap, ıdeıalaryn jarıalady. Baılanys ornatyp, prezentasıalar jasap, aldaǵy jylǵa josparlaryn aıtyp ótti. 

Budan bólek Astana Media Week QazMedıa ortalyǵymen jáne BUU Jahandyq komýnıkasıa departamentiniń QR ókildigi BUU QR Aqparattyq Búrosy birige, jas jýrnalıs stýdentterge tegin 72 saǵat kóleminde biliktilikti arttyrý kýrstaryn ótkizdi. Bul kýrs stýdentterge QazMedıa ortalyǵynyń ishki as bólmesin kórsetti desek te bolady. Habar agenttigi men Qazaqstan ulttyq arnasynyń qoldaýymen dıktorlar, tanymal tele-júrgizýshilermen jeke kezdesýler, telearnalarǵa jáne stýdıalarǵa, radıolarǵa ekskýrsıalar uıymdastyryldy.

Sonymen qosa osy is-shara aıasynda «Urker Awards» premıasy ótkizildi. Bul ulttyq syılyq baspa, radıo, ınternet-jýrnalıstıka salasyndaǵy úzdik jetistikteri úshin beriledi, jýrnalısıkanyń bedelin arttyrýǵa, kásibı standarttardy bekitýge baǵyttalǵan. Baıqaýdyń maqsaty talantty jýrnalıser men shyǵarmashylyq ujymdardy anyqtaý, olardyń kásibı jýrnalısıkany damytýǵa qosqan úlesin moıyndaý jáne olardyń shyǵarmashylyǵyna kópshiliktiń nazaryn aýdarý. Baıqaý 13 nomınasıa boıynsha ótkiziledi, onyń ishinde medıa salany damytýǵa qosqan úlesi baǵa jetpes kórnekti tulǵalardyń qurmetine 3 arnaıy syılyq. Fınalısterge kýálik, "URKER" estelik músinshesi jáne bir mıllıon teńge kóleminde aqshalaı syılyq tabys etile otyryp, jeńimpaz ataǵy beriledi. 

Jalpy qoryta kele osy medıa sharalardyń elimizge paıdasy jaıynda aıtyp ótsek. Elimizdiń bolashaǵy bolatyn jastarǵa, sonymen qosa BAQ salalarynyń damýyna ári sapasyn arttyrýǵa úlken paıdasyn qosatyny sózsiz. Osy shara aıasynda túrli, BAQ-na baılanysty kúrdeli máselelerdi, jýrnalıserdiń sóz bostandyǵyn arttyrý jaıynda jáne aımaqtyq gazet-jýrnal baspalarynyń keleshegi talqylandy. Árıne bul Qazaqstandaǵy BAQ jýrnalıseriniń uıymshyldyǵyn  jáne komýnıkasıasyn arttyra túsedi. Komýnıkasıa arqasynda kóptegen jýrnalıser tájirbıe almasyp, aldaǵy kásibı maqsattaryn naqtylap, eldegi jýrnalıser múddesi men BAQ quraldarynyń damý jolynda aıanbaı eńbek etýine senemiz.

Qaıratuly Álimjan Jetekshi: aǵa-oqytýshy Rýshanova Nelá Berıkovna

---