Photo: Juan Pablo Serrano (https://www.pexels.com/@juanpphotoandvideo) / Pexels
Astana turǵyny jańa Konstıtýsıany synap, 15 táýlikke qamaldy
Astanada jańa Konstıtýsıaǵa qatysty pikirin bildirgen kásipker Kantemır Almyshevti polısıa 15 táýlikke qamaýǵa aldy. Bul týraly Ulysmedia.kz aqparat agenttigi habarlaıdy.
Keshe, aqpannyń 20-sy kúni keshke Almyshevti jumys istep otyrǵan barbershopynan polısıa bólimshesine alyp ketkeni belgili boldy. Ol áıeline polısıaǵa bara jatqanyn ǵana úlgere habarlap úlgergen. Oǵan deıin ol polısıanyń úıine kelgenin beınejazba arqyly jarıalaǵan edi.
15 táýlikke qamaýǵa alyndy
Búgin onyń 15 táýlikke ákimshilik qamaýǵa alynǵany týraly aqparat shyqty. Otkir Kurek-tiń málimetinshe, oǵan «usaq buzaqylyq» baby boıynsha ákimshilik jaza qoldanylǵan. Alaıda, naqty qandaı sebeppen jazalanǵany aıtylmady.
Buǵan deıin onyń áıeli kúıeýiniń ustalǵanyna ázilkesh Nurlan Sabýrovty qorlaǵan degen kúdik sebep bolýy múmkin degen boljam jasaǵan.
Konstıtýsıaǵa qatysty syn
Buǵan deıin Kantemır Almyshev Threads áleýmettik jelisinde jańa Konstıtýsıaǵa engizilgen túzetýlerdi synaǵan birqatar jazba jarıalaǵan bolatyn.
Astana polısıasy ázirge bul jaǵdaıǵa qatysty resmı málimdeme jasaǵan joq. Ulysmedia.kz tilshisi Astana qalalyq polısıa departamentiniń baspasóz qyzmetinen pikir surady.
Qazaqstanda jańa Konstıtýsıany qabyldaý boıynsha referendým naýryzdyń 15-ine belgilengen.
-
Kazahstanskıı boes Alıbı Idırıs provedet svoı pervyı ofısıalnyı poedınok v UFC. Ýznaıte detalı predstoıashego boıa.
-
An entrepreneur in Astana has been sentenced to administrative detention after voicing his opinions on the upcoming constitutional changes. The exact reasons remain unclear.
