InfoHub Logo

Astanada mamyr aıynan bastap elordada elektr energıasynyń baǵasy kóteriledi. Jańa ózgeristerge sáıkes, tarıf orta eseppen kılovatt-saǵatyna 7 teńgege ósedi. Al turǵyndar úshin bul kórsetkish shamamen 2 teńgege artady. Tıisti sheshim qoǵamdyq tyńdaýlardan keıin qabyldanbaq.

Mamandardyń aıtýynsha, bul tek Astanada emes, jalpy el kólemindegi tendensıa. Sońǵy bir jylda komýnaldyq qyzmetterdiń quny kúrt ósken. Ásirese, sýyq sý tarıfi 88,8 paıyzǵa qymbattap, eń joǵary kórsetkishke jetken. Odan keıin sý burý qyzmeti – 23,7%, ortalyq jylý – 19%, al ystyq sý men elektr jaryǵy 14 paıyzǵa artqan. Gaz jáne turmystyq qaldyqtardy shyǵarý qyzmetteri 11-13% sheginde kóterilgen. Tipti turǵyn úıdi ustaý aqysy da 11% ósken.

Sarapshylar baǵanyń ósý sebebin eldegi komýnaldyq júıelerdiń tozýymen baılanystyrady. Olar bul jaǵdaıdy «komýnaldyq daǵdarystyń» belgileriniń biri retinde baǵalap otyr.