Prezıdent jańa Sport týraly zańǵa qol qoıdy: Negizgi ózgerister qandaı?
Memleket basshysy Qazaqstan Respýblıkasynyń jańa Sport týraly zańyna qol qoıdy. Bul qujat elimizdegi sport salasyn odan ári damytýǵa baǵyttalǵan jáne birqatar mańyzdy jańalyqtardy qamtıdy.
Endi sporttyń basym túrleri halyqaralyq deńgeıdegi jetistikterge qaraı aıqyndalady. Olardyń qatarynda Olımpıada, Paralımpıada, Sýrdlımpıada, Azıa jáne Parazıa oıyndarynyń baǵdarlamasyna engen sport túrleri, sondaı-aq ulttyq sport túrleri bar.
Zań aıasynda sport federasıalaryn akredıtteý tártibi de jetildirildi. Endi olar ulttyq jáne jergilikti sport federasıalary bolyp bólinedi. Bul shara sport uıymdarynyń qyzmetin naqtylap, baqylaýdy kúsheıtýdi kózdeıdi.
Mańyzdy ózgeristerdiń biri – sheteldik legıonerlerdi qarjylandyrýǵa qatysty. Endi búdjetten nemese kvazımemlekettik sektordyń qarajatynan sheteldik sportshylarǵa qarjy bólinbeıdi. Bul qarajat tórt negizgi baǵytqa baǵyttalady: joǵary jetistikter sporty (onyń ishinde basym sport túrleri), memlekettik sport uıymdarynyń qyzmeti, buqaralyq sport jáne sporttyq ınfraqurylymdy damytý.
Sondaı-aq sportshylardy ulttyq qundylyqtarǵa negizdelgen biryńǵaı standartpen daıarlaý júıesi engiziledi. Bul jas býyndy tárbıeleý men rýhanı qundylyqtardy nyǵaıtýǵa yqpal etedi.
Dopıng máselesi de nazardan tys qalmady. Endi ýákiletti organ dopıngke qarsy erejelerdiń buzylýy boıynsha tıisti shara qabyldaý quzyretine ıe bolady.
Jańa zań elimizdegi sportty júıeli damytý men ony qoldaýǵa baǵyttalǵan naqty qadam bolmaq.
You Might Also Like
-
Qazaqstanda keıbir azamattar temirjol bıletterin 50% jeńildikpen satyp ala alady. Bul jeńildikter kelesi sanattarǵa beriledi:
-
Adam jany – tereń muhıt ispetti. Onyń betinde sana tursa, tereńinde túpsana jatady. Túpsana – bizdiń oıymyzǵa, áreketimizge, tipti taǵdyrymyzǵa áser etetin kózge kórinbeıtin kúsh. Bul beısanalyq qab...
