InfoHub Logo

Astanada matematıka páni boıynsha mektep oqýshylary arasynda ótken «Altyn saqa» olımpıadasy óz máresine jetti.

«Zerdeli» aqyl-oı damytý ortalyǵy jáne «Astana daryny» óńirlik ǵylymı-praktıkalyq ortalyǵynyń uıymdastyryp otyrǵan olımpıadaǵa Astana qalasynyń 40 mektebinen 1500-ga tarta oqýshylary qatysty.

Respýblıkalyq fızıka-matematıka mektebiniń joǵary sanatty muǵalimi, «Zerdeli» aqyl-oı damytý ortalyǵynyń dırektory Máýit Yrysbektiń aıtýynsha, básekede top jaryp, jeńimpaz atanǵan oqýshylarǵa aqshalaı júldeler tabystalady.

«Bıyl «Altyn saqa» olımpıadasyn ekinshi ret uıymdastyryp otyrmyz. Basty maqsatymyz oqýshylardyń matematıka pánine qyzyǵýshylyǵyn arttyryp, halqaralyq olımpıadalarǵa daıyndalý. Bilim saıysynyń basty ereksheligi «Júzdik baqylaý jáne júz baldyq baǵalaý júıesi» boıynsha ótýi. Bul júıe shetelderde keńinen qoldanylady. Ol oqýshyǵa taldaý jasaý úshin kóp múmkindikter týdyryp, bilim alýshylardyń naqty bilim deńgeıin aıqyndap beredi», - dep atap ótti Máýit Yrysbek.

Olımpıadanyń qorytyndysy boıynsha, júldeli İ, İİ, İİİ oryn ıegerleri anyqtalyp, jeńimpazdarǵa jáne úzdik mektep ujymyna baǵaly syılyqtar tabystalady. 

---