InfoHub Logo

Qazaqstannyń eki iri qalasy – Astana men Almatyda aldaǵy kúnderi aýa raıy qatty ózgeredi. Eger elordada qar men boran soǵatyn bolsa, Almatyda kóktemgi jylylyq seziledi.

Bul týraly Infohub.kz aqparat agenttigi habarlaıdy.

Astanadaǵy aýa raıy boljamy

6 naýryz kúni Astanada aınymaly bultty bolyp, túnde qar jaýyp, kúndiz jeńil qar kútiledi. Tuman, kóktaıǵaq bolady. Ońtústik-batystan soǵatyn jel soltústik-batysqa aýysyp, 9-14 m/s jyldamdyqpen esedi. Temperatýra túnde -6...-8 gradýs, kúndiz -1...-3 gradýs bolady.

7 naýryz kúni Astanada túnde qar, kúndiz jaýyn-shashyn (jańbyr, qar) bolady. Tuman, kóktaıǵaq saqtalady. Ońtústik-batys jeli 9-14 m/s, kúndiz ekpini 15-20 m/s jetedi. Túnde aýa temperatýrasy -5...-7 gradýs, kúndiz -1...+1 gradýs bolady.

8 naýryz kúni Astanada aınymaly bultty bolyp, ýaqytymen jaýyn-shashyn (jańbyr, qar), tuman, kóktaıǵaq bolady. Ońtústik-batys jeli 9-14 m/s, ekpini 15-20 m/s jetedi. Temperatýra túnde -1...-3 gradýs, kúndiz -1...+1 gradýs bolady.

Almatydaǵy aýa raıy boljamy

6 naýryz kúni Almatyda aınymaly bultty bolyp, ýaqytymen jaýyn-shashyn (jańbyr, qar) bolady. Tuman, kóktaıǵaq kútiledi. Soltústik-shyǵys jeli 3-8 m/s, ekpini 15 m/s jetedi. Temperatýra túnde -1...+1 gradýs, kúndiz +3...+5 gradýs bolady.

7 naýryz kúni Almatyda aınymaly bultty bolyp, túnde jaýyn-shashyn (negizinen jańbyr), kúndiz jańbyr jaýady. Ýaqytymen tuman bolady. Soltústik-shyǵys jeli 3-8 m/s bolady. Temperatýra túnde 0...-2 gradýs, kúndiz +7...+9 gradýs bolady.

8 naýryz kúni Almatyda aınymaly bultty bolyp, jaýyn-shashynsyz ótedi. Túnde jáne tańerteń tuman bolady. Ońtústik-batys jeli 3-8 m/s bolady. Temperatýra túnde 0...+2 gradýs, kúndiz +10...+12 gradýs bolady.

Qazaqstanǵa qar qaıta oralady

Buǵan deıin sınoptıkter Qazaqstannyń soltústik-batys sıklon áserine túsetinin habarlaǵan bolatyn. Elimizdiń kóptegen óńirlerinde aýa raıynyń turaqsyzdyǵy kútiledi. Jańbyr, qar túrinde jaýyn-shashyn bolady. 5-6 naýryz kúnderi elimizdiń ońtústik jáne ońtústik-shyǵys aımaqtarynda qatty jaýyn-shashyn (jańbyr, qar) kútiledi.