tengrinews.kz
Astanada turǵyn úı kesheninde órt shyqty: Zardap shekkender joq
Astanada keshkisin turǵyn úı kesheni órtendi. Órt Esil aýdanyndaǵy Álimhan Ermekov kóshesindegi 8 qabatty ǵımarattyń syrtqy qasbetin sharpyp, ekinshi qabattan tórtinshi qabatqa deıin tez taraǵan.
Tótenshe jaǵdaılar mınıstrliginiń baspasóz qyzmeti habarlaǵandaı, órt sóndirýshiler kelgen kezde jalyn ǵımarattyń syrtqy qabyrǵasyn japqan materıaldy jalmap úlgergen. Órt sóndirýshilerdiń jedel áreketiniń arqasynda jalyn páterlerge ótpeı, joǵary qabattarǵa taralýyna jol berilmedi.
"Órtti aýyzdyqtaý kezinde jalynnyń ǵımarat ishine enýine jáne joǵary qabattarǵa taralýyna jol berilmedi. Órttiń oshaǵy ǵımarattyń syrtqy jaǵynda ornalasqan bolatyn", - dep habarlady vedomstvo.
Bul oqıǵadan eshkim zardap shekken joq. Órttiń shyǵý sebebi anyqtalyp jatyr.
Buǵan deıin Almatyda Ál-Farabı dańǵylyndaǵy turǵyn úı kesheninde órt shyqqan bolatyn. Sol kezde 36 adam, onyń ishinde 6 bala qutqarylǵan edi.
-
Qazaqstanǵa Starlink spýtnıktik ınternetin engizý jumystary belsendi kezeńge ótti. Mınıstrlik pen Starlink ókilderi kelisim sharttarynyń oryndalýyn jáne júıelerdiń daıyndyǵyn tekserdi.
-
Qazaqstandyq qyzdardy qorlaǵan reseılik strımerlerge qatysty daý ýshyǵyp, sportshy Erkebulan Toqtar olarǵa qatań eskertý jasady.
