InfoHub Logo

Astana qalasyndaǵy turǵyn úı kesheniniń birinde balta ustaǵan er adamnyń paıda bolýy jurtshylyqty dúrliktirdi. Oqıǵa kýágerleriniń aıtýynsha, er adam mas kúıinde bolǵan.

Bul týraly Infohub.kz aqparat agenttigi habarlaıdy.

Oqıǵanyń mán-jaıy

Redaksıaǵa kelip túsken aqparatqa súıensek, oqıǵa turǵyn úı kesheniniń podezinde bolǵan. Oqıǵa kýágeriniń aıtýynsha, pányı er adam adamǵa shabýyl jasaǵan.

Polısıanyń habarlaýynsha

Qalalyq polısıa baspasóz qyzmetiniń málimetinshe, bul fakti boıynsha 31 jastaǵy er adam ustalyp, polısıa bólimshesine jetkizildi.

«Ol tanysynyń páterinde bolǵany anyqtaldy, onda jóndeý jumystary júrgizilip jatqan. Birge araq ishkennen keıin, ol qurylys quralyn qolyna alyp, agressıvti minez-qulyq kórsetken», - dep habarlady baspasóz qyzmeti.

Polısıa qyzmetkerleri onyń zańsyz áreketterin toqtatqany naqtylandy.

«Keıinnen, podezde turyp, ol shynyny syndyryp, sonyń saldarynan ózi kesilgen jaraqattar alǵan. Oǵan medısınalyq kómek kórsetildi. Basqa eshkim zardap shekpedi», - dep habarlady baspasóz qyzmeti.

Er adam qoǵamdyq orynda masań kúıde bolǵany jáne usaq buzaqylyq jasaǵany úshin ákimshilik jaýapkershilikke tartyldy. Sot sheshimimen oǵan 15 táýlik merzimge ákimshilik qamaqqa alý jazasy taǵaıyndalyp, elorda polısıasynyń arnaıy qabyldaý mekemesine ornalastyryldy.