InfoHub Logo

Qazaqstandyq tenısshi Zarına Dıas karerasyn nege toqtatqanyn túsindirdi. Bul týraly Infohub.kz aqparat agenttigi habarlaıdy.

Astanada Bıllı Djın Kıng kýbogy aıasynda Qazaqstan men Kanada quramalary arasyndaǵy machtar aldynda Zarına Dıastyń mansabyn aıaqtaýǵa arnalǵan saltanatty rásim ótti. Kórermenderge onyń mansabyndaǵy úzdik sátteri kórsetilip, tenıs týrindegi áriptesterinen jyly lebizder aıtyldy. Zarınanyń ózi kórermender aldynda alǵys sóz sóılep, estelik músinshe aldy.

Mansabyn aıaqtaý týraly

Rásimnen keıin Zarına jýrnalıserdiń suraqtaryna jaýap berip, nege dál qazir mansabyn aıaqtaý týraly sheshim qabyldaǵanyn túsindirdi. «Tenıs – bul jaraqat alatyn sport túri, kásipqoı sporttyń bári sıaqty. Jaraqattarmen kúresý qıyn bolyp barady. Árıne, bul psıhologıalyq jaǵyna da áser etedi, árdaıym bir jeriń aýyryp, jaraqat alǵanda. Qıyn boldy, árıne, qabyldaýǵa jáne ózime «boldy, aıaqtaý kerek» dep aıtýǵa. Biraq meniń denem maǵan «jetkilikti boldy» dedi», - dedi tenısshi.

Ol sondaı-aq «sońǵy tamshy boldy ma, álde jınaqtalǵan áser me?» degen suraqqa: «Bul tek jınaqtalǵan áser, óıtkeni men búkil mansabym boıynda árdaıym barymdy salatynmyn. Túsinesiz be – jattyǵýlar, ushýlar. Tenıs – bul apta saıyn jarystar ótetin sport. Stress, qysym... Árıne, bul jumystyń bir bóligi, biraq fızıkalyq turǵydan bul óte aýyr boldy», - dep jaýap berdi Zarına.

Esterińizge sala keteıik, Zarına mansabyn aıaqtaıtynyn keshe áleýmettik jelide habarlady. Onyń mansabyndaǵy sońǵy oıyny 2026 jylǵy Australian Open birinshi aınalymynda ıspanıalyq Paýla Badosamen bolǵan kezdesýi boldy. Zarınanyń aıtýynsha, sol kezde ol mansabyn aıaqtaý týraly sheshim qabyldaǵan.

Dıas mansabynyń eń úzdik kezeńderi 2014-2015 jyldar boldy – sol kezde ol Ýımbldonnyń 1/8 fınalyna deıin jetip, álemdik reıtıńte 31-orynǵa kóterildi. 2022 jyly ol jaraqat alyp, shamamen eki jyldaı jarystarǵa qatyspady.