tengrinews.kz
Astanalyq júrgizýshi Borovoege bara jatyp, vıdeo túsirgeni úshin jazalandy
Aqmola oblysynyń polıseıleri Borovoege bara jatqan jolda qaýipti oıyn-saýyq jasaǵan avtokólik júrgizýshisin anyqtap, jaýapqa tartty. Bul týraly Infohub.kz aqparat agenttigi habarlaıdy.
Oblystyq polısıa departamenti baspasóz qyzmetiniń málimetinshe, jol erejesin óreskel buzǵany týraly habarlama polısıaǵa túsken. Kýágerdiń aıtýynsha, Borovoege aparatyn tas jolda jeńil kóliktiń jolaýshylary kólik qozǵalyp turǵanda terezeden basyn shyǵaryp, uıaly telefonǵa vıdeo túsirgen.
Jetkizilgen foto jáne vıdeo materıaldar boıynsha polısıa qyzmetkerleri oqıǵaǵa úsh qyzdyń qatysqanyn anyqtady. Olar ózderiniń jáne joldaǵy basqa adamdardyń ómirine qaýip tóndirgen.
Júrgizýshi stýdent bolyp shyqty
«Jol patrúldik polısıasy Hyundai Elantra avtokóliginiń júrgizýshisin jedel anyqtady. Ol Astana qalasynyń stýdenti bolyp shyqty. Jas jigittiń aıtýynsha, 4 maýsym kúni ol kólikti jalǵa alyp, úsh qyzben birge Borovoege demalysqa bara jatqan», - delingen habarlamada.
Júrgizýshige qatysty ákimshilik hattama toltyryldy. Sondaı-aq, onymen jol erejesin buzýǵa jáne jolaýshylardyń qaýipsizdigin qamtamasyz etý qajettiligi týraly aldyn alý áńgimesi júrgizildi, dep atap ótti baspasóz qyzmeti.
Vedomstvo qazaqstandyqtardy joldarda qaýipsizdik sharalaryn saqtaýǵa jáne áleýmettik jelilerde tanymal bolýǵa degen umtylys adamdardyń ómiri men densaýlyǵyna qaýip tóndirmeýi kerek ekenin eskertýdi surady.
-
36-letnıı Alekseı Vıvtonenko ýmer posle prodoljıtelnoı borby za jızn v reanımasıı Taılanda ı vozvrashenıa domoı.
-
A driver faces consequences for a dangerous stunt captured on video during a trip to Borovoe, highlighting the risks of prioritizing social media fame over safety.
