Asqat Aımaǵambetov: Muǵalimderge qansha jaqsylyq jasasaq ta kóp bolmaıdy
Elordadaǵy «Qazaqstan» ortalyq konsert zalynda «Úzdik pedagog» respýblıkalyq baıqaýynyń jeńimpazdaryn marapattaý rásimi ótti. Shara barysynda elimizdiń Bilim jáne ǵylym mınıstri Asqat Aımaǵambetov muǵalimderdi merekelerimen quttyqtady.
«Elbasymyz Nursultan Nazarbaev egemendik alǵannan bastap, bilim, ǵylym salasyna erekshe kóńil bólýde. Ony ózderińiz de jaqsy bilesizder. Elbasymyzdyń salıqaly saıasatynyń arqasynda jalpy memleketimiz, bilim salasy bıikterden kórinip, jetistikterge qol jetkizýde. Qazir osy jumys jalǵasýda. Memleket basshysy Qasym-Jomart Toqaev óziniń saılaýaldy baǵdarlamasynda bilim, ǵylym salasyn damytýǵa úlken nazar aýdaryp, bizdiń aldymyzǵa naqty maqsat-mindet qoıdy. Bıylǵy jyly Tamyz konferensıasynada Memleket basshysy ózi qatysyp, ustazdarǵa alǵysyn bildirdi. 4 jyldyń ishinde ustazdardyń jalaqysyn 2 ese kóterý, bilim salasyn damytý boıynsha úlken maqsat júktedi. Osy baǵytta jumys istep jatyrmyz»,- dedi ol.
Mınıstr Pedagogtardyń mártebesi týraly zańnyń ázirlenip, qazirgi ýaqytta atalǵan qujattyń Parlament qabyrǵasynda qaralyp jatqandyǵyn atap ótti.
«Osy zańdy iske asyrý úshin búdjetten de qomaqty qarajat qarastyrylyp otyr. Búgingi kúnniń ózinde 3 trıllıonnan astam qarajat qaraldy. Bul bizdiń ustazdarǵa, jalpy bilim salasyna degen úlken qurmet. Árıne, problemalar joq emes, bar. Biz onyń barlyǵyn bilemiz. Ony muǵalimdermen, ata-analarmen, qoǵammen birge sheshemiz. Uly ustaz, aǵartýshy Ahmet Baıtursynov: «Maǵan bárinen de ustaz, muǵalim jaqyn. Muǵalim mekteptiń júregi» degenin bilesizder. Sondyqtan muǵalimderge qansha madaqtama aıtyp, qanshama jaqsylyq jasasaq ta kóp bolmaıdy. Sebebi muǵalimderdiń jumysy óte mańyzdy. Memleketimizdi, bolashaǵymyzdy jarqyn etý jolynda eń aldyńǵy qatarda turǵan mamandyqtardyń biri ekenin bilemiz»,- dedi Asqat Aımaǵambetov.
You Might Also Like
-
Dúnıedegi mamandyq ataýlynyń anasy–ustazdyq. Sebebi uly tulǵalarymyzdyń barlyǵy ustazdan tálim alǵan, ustazdyń salyp bergen sara jolynan ótken. Óleń sózdi órnektegen aqyn da, qalamy qar...
