InfoHub Logo

Balańyzben áńgime sońy uryspen aıaqtala ma? Aralaryńyzda túsinispeýshilik jıi kezdese me? Kishkentaıynan durys tárbıe berýdiń mańyzyn bilesiz be? Olaı bolsa balańyzben aralańyzdaǵy baılanysty biz usynǵan 5 joldyń kómegimen saqtańyz.

Ata-ana men bala arasyndaǵy emosıonaldy baılanys — otbasyndaǵy jaqsy qarym-qatynastyń irgetasy.

Keı kezderi ózimizdikin durys dep sanap balamyzdyń oıymen sanasqymyz kelmeıdi. Osyndaı sátterde ata-ana men bala arasyndaǵy baılanys joǵalýy múmkin.

Balanyń tek qatelikterin kórýdi qoıyńyz

Nelikten balanyń bir zatty qulatyp, syndyrǵanyn baıqaımyz da, al kishkentaı qoldarynda zatty uqypty ustaǵanyna kóńil aýdarmaımyz? Balańyzǵa tek bir nárse durys jasal maǵan da ǵana kóńil aýdaratynyńyzdy kórgen bala, kelesi joly da jaǵymsyz qylyǵymen kóńilińizdi ózine aýdarýǵa tyrysatyn bolady. Sondyqtan balanyńyzdyń jasaǵandaryn onyń mindeti emes kishkene ǵana jetistikteri dep qabyldańyz.

Ár isi úshin maqtańyz

Bálkim keı ata ana: “Joq, men balamdy ár kezde maqtaımyn” dep oılaıtyn shyǵar. Biraq biz sapaly maqtan tutý týraly aıtyp jatyrmyz. Jaı ǵana “jaraısyń” degen sózdi aıtyp qana qoımaı, belgili bir isi úshin maqtańyz. Mysaly sizdiń balańyz oıynshyqtaryn jınap qoısa: “Balam, seniń óz zattaryńa uqypty qaraǵanyń maǵan unaıdy. Meni áýre etpeı, oıynshyqtaryńdy jınaǵanyń úshin raqmet” dep aıtyńyz.

Osy kezde balańyz da óz isiniń jaǵymdy nátıje bergenine kózi jetetin bolady.

“Sen áli kishkentaısyń, meni tyńda”

Shynyńyzdy aıtyńyzshy, balańyzdyń tańdaýymen qanshalyqty jıi kelisesiz? Balalar qaı kıimdi kıetinin, qaısp zatymen bólisetinin, kimmen oınaıtynyn sizden jaqsyraq biledi. Sondyqtan óz oıyńyzdy balaǵa zorlap mindetteýden aýlaq bolyńyz. Balaǵa tańdaý quqyn berý onyń jaýapkershiligin arttyrý. Eń bastysy balanyń dál biz sekildi qatelik jasaýy múmkin ekenin umytpaǵan jón.

Solarqyly óz tańdaýynyń saldaryn kórip, kelesi joly muqıat bolýdy úırendi balańyz.

Uryp-soǵý tárbıe berý ádisi emes

Árıne, keıde qatty sharshap, ashýlanǵan sátte ne aıtyp, ne istegenimizdi ańǵarmaımyz. Alaıda balany urý arqyly siz oǵan degen qurmetsizdigińizdi kórsetesiz. Oǵan qosa óz oıyn tolyq jetkize alatyn úlken adam úshin balaǵa aıqaılap, zorlyq kórsetý mıǵa qonymsyz tárbıe berý túri. Balańyz qansha jerden kináli bolsada onyń denesine zaqym keltirýge sizdiń quqyńyz joq.

Birge kóp ýaqyt ótkizińiz

Bala oınap jatqanda qasynda uıaly telefonǵa telmirip otyrý — birge ýaqyt ótkizý emes. Kerisinshe oıyn kezinde balaǵa jańa nárseni úıretýdi kózdńiz. Birge sýret salypnemese pazl jınap kórińiz. Tek balaǵa emes sizgede qyzyq bolary ábden múmkin.

Balalarymyz árqashan bizdiń mahabbatymyzdy qajet etedi. Olardyń minezi qalyptasý barysynda bala kezindegi estelikteri óte mańyzdy.

Sondyqtan aralaryńyzdaǵy baılanysty joǵaltpaýǵa tyrysyńyz.

Zarema Tursynbaeva

---