InfoHub Logo

ATA ZAŃYM – AIBYNYM! KONSTITÝSIA KÚNİ!

(Eresek toptarǵa arnalǵan taqyryptyq keshtiń senarııi)
Konstıtýsıa kúni!
Maqsaty: Balalardyń Otanǵa degen súıispenshiligin oıata otyryp, eljandylyqqa tárbıeleý. Patrıottyq sezimin oıatý. Qazaqstannyń keleshegi ózderi ekenine kóz jetkizý.
Kórnekiligi: memlekettik rámizder, slaıd, ánurannyń fonogramsy, jalaýshalar.
(Balalar qoldaryna jalaýshalaryn ustap, mýzykamen zalǵa kirip, shashyrap turady)
(Fan - far oınalady, júrgizýshi bastaıdy)

Júrg: Qurmetti balalar jáne qonaqtar! Konstıtýsıa kúnine arnalǵan
«Ata Zańym – aıbynym!» atty taqyryptyq keshimizge qosh keldińizder!
Erkin eldiń Ata Zańy ardaqty,
Árbir sózi, árbir baby salmaqty.
Adam quqy, bostandyǵy, teńdigi,
Barlyǵyn da qarastyrǵan jan - jaqty!

Júrg: - Araılaǵan tańdy súıetin kim?
Bala - r: - Men.
- Altyn sáýleni súıetin kim?
- Men.
- Jarqyn dalany súıetin kim?
- Men.
- Týǵan jerdi súıetin kim?
- Men.
- Ata - anany súıetin kim?
- Men.
- Dosyn súıetin kim?
- Men.
- Elimizdiń bolashaǵy kimder?
- Bizder!!!
Qazaqstan Respýblıkasynyń Gımni!
oryndalsyn!

Taqpaqtar:

1 - bala: Ata zańym – barlyq zańnyń negizi,
Ata Zańym babalardyń lebizi.
Arqa súıer Ata zańǵa adamdar,
Artyq sanaý, kemsitýdiń joq izi!

2 - bala: Bastaıtyn bolashaqqa baq kemeni,
Osy jol halyqtyń da naq seneri!
«Halqyma adalmyn!» dep Ata Zańǵa,
Elbasy qolyn qoıyp Ant beredi!

3 - bala: Ómirden ádildik pen baq tabatyn,
Quqyǵym qorǵaldy dep shattanatyn
Ózińdeı jas órkender keledi ósip,
«Bul bizdiń – Ata Zań» dep maqtanatyn!

ÁN: «Otan – Ana!»

Júrg: - Qazaqstan Respýblıkasy táýelsiz, egemendi memleket. Elimiz táýelsizdikti 1991 jyly aldy. Qazaqstan memleketi óz egemendigin alǵan soń 30 - tamyzda 1995 jyly óz Ata Zanymyz qabyldandy. 30 tamyz – memlekettik mereke «Konstıtýsıa kúni» dep ataldy. Elimizdiń táýelsizdigin dáleldeıtin óz rámizderi bar.
Memlekettiń barlyq azamattary - úlkender de, balalar da – memlekettik rámizderdi, olardyń sımvolıkalaryn bilýi jáne túsinýi tıis. Óz elińniń Týyn, Eltańbasyn jáne Ánuranyn qurmetteý – óz Otanyńdy qurmetteý jáne syılaý!
- Balalar, biz qaı elde, Respýblıkada turamyz?
Bala - r: - Qazaqstan Respýblıkasynda turamyz.
- Qazaqstannyń elordasy qaı qala?
Bala - r: - Astana.
- Biz Qazaqstan Respýblıkasynyń rámizderin bilemiz be?
Bala - r: - Iá. Olar: Ánuran, Tý, Eltańba.
Júrg: Káne, balalar, taqtaǵa qarap elimizdiń rámizderin ataıyqshy!
(Slaıdpen jumys)

Júrg: Durys aıtasyńdar, balalar! Bizdiń elimiz táýelsiz memleket! Óz Ata zańymyz, óz rámizderimiz, óz salt - dástúrimiz bar! Bárimizdiń óz quqyqtarymyz bar! Endi ár bala baqytty ómir súrýde óz quqyqtaryn bilýge mindetti. Olaı bolsa tamashalap kóreıik!!!

(Mýzyka oınap turady, balalar qoldaryna quqyqtary jazylǵan plakattardy ustap ortaǵa shyǵyp teńselip bı bılep, kezek - kezegimen óz quqyqtaryn aıtady! Kompozısıa...)

1 - Bala: Men balamyn...
Ómir súrýge quqym bar!
2 - Bala: Erikti, táýelsiz bolýǵa quqylymyn!
3 - Bala: Otbasynda tárbıelenýge quqym bar!
4 - Bala: Demalýǵa quqylymyn!
5 - Bala: Azamattyq alýǵa quqylymyn!
6 - Bala: Emdelip, em qabyldaýǵa quqylymyn!
7 - Bala: Óz - ózimdi qorǵaýǵa quqylymyn!
8 - Bala: Bilim alýǵa, oqýǵa quqylymyn!

ÁN: «Meniń Qazaqstanym!»

1 - júrg: Órkendep óz qolyna alǵan isi,
Bıikke qazaǵymnyń samǵa qusy,
Halyq bop qadir tutyp qasterlegen,
Ata zań – Azat eldiń ar - namysy!
Halqymyz birlikte, tatýlyqta tynysh ómir súrsin! Elimizdiń abyroıy men mártebesi asqaqtaı bersin! Konstıtýsıa kúni barshamyzǵa qutty bolsyn! Eńsesin asqaqtatqan Qazaqstanymyz jaınap, gúldene bersin!!!
Saý bolyńyzdar!!!

Daıyndaǵandar: Mýz. jetekshi: Jolshybekova N. Ý.
Ata zańym – aıbynym! Konstıtýsıa kúni! júkteý