Atadan qalǵan aq saýyt
Aramǵa ábden bylǵandy.
Basshysy joq sorly eldiń
Maly men basy ylǵandy.
Tasbıyqty tastap tas alyp,
Sálde aıaqqa shulǵandy.
Óner qyldy «jaqsylar»
Qasqyrsha elin julǵandy.
Jala jaýyp jalmaıdy
Jazasyz qarap turǵandy.
Elerip, erip kóp el júr,
Bilmeıdi qudaı urǵandy.
Túpsiz jaýǵa sanaıdy
Túzý jolǵa burǵandy.

Jurt ne dese, úı desin,
Men úshin eshkim kúımesin.
Ózderi-aq ulyp, shubyryp,
Ylyqqan ıtteı kúılesin.

Aıta almaısyń durysyn,
Alaıaq báriń urysyń.
Jýandy súıep el jegen
Basshylaryń qurysyn.

Qazaqtyń kózsiz balasyn
Qańǵytyp qaıda barasyń.
Aryńdy satyp aramǵa,
Adaldap qalaı alasyń?

Partıa qýyp shýlap ót,
Qyzmette óńkeı eki k...
Aramdy qoldaý maǵan ar,
Bergenderiń jón baıkot.

---