InfoHub Logo

Meniń qymbatty atamnyń «Aınalaıyn» dep erkeletken sózi esimnen keter emes. Qolyma qalam aldym, oǵan sebep meniń ol kisige degen saǵynyshym. Sum ajal asqar taýdaı atamdy qas-qaǵym sátte aramyzdan alyp ketti. Tórdegi jansyz beıneńizge kóz súzip, janardaǵy jasqa erik beremiz. Atam ylǵı da ómirden túıgenin mysaldarmen órnektep, atalyq aqylyn aıtatyn: «Bul qý tirlikte san túrli synaq bolady, sodan súrinbeı ótý kerek… Tirlikte san túrli qıyndyq bar, odan da múdirmeı óte bilgen jón», – dep qamqorlyǵyn aqylmen jetkizetin. Qazaq halqynda, «Ákeń ólse de, ákeńdi kórgen ólmesin», – degen ulaǵatty sóz bar. Sizdiń zamandastaryńyz, kóz kórgen aqsaqaldar siz jaıynda, siz salǵan sara joldy sóz etkende,ózińizdeı qarıanyń nemeresi bolǵanyma maqtanamyn. «Jurtyńa qaldy asyl is, Jurtyna berdi ol paıdasyn. Soǵady júrek asyǵys: Atamnyń úıi qaıdasyń? Atamnyń úıi qaıdasyń?» Muqaǵalı aqynnyń osy bir óleń joldary atamnyń ataqonysyn ańsap jetken urpaǵynyń urany ispetti. Qatal taǵdyr jon arqasyn talaı osqylaǵan qaısar atam eshbir qıyndyqtan moıymaǵan. Urpaq qamy úshin aýyr tirliktiń tizginin ustap, tynym tappaǵan jan bolǵan, oǵan ájemniń áńgimeleri dálel. Keıde kópshilik arasynda adamdar: «kimniń nemeresisiń?» degende men: «Navoı atanyń nemeresimin», – dep erekshe tebirene aıtamyn. Sebebi, meniń atam – qandaı maqtaýǵa da laıyq adam.

 

---