InfoHub Logo

Isabekova Kýralaı Bahıtovna
Qaraǵandy oblysy, Qarqaraly qalasy,
№44 orta mekteptiń bastaýysh synyp muǵalimi

Bastaýyshpen qoshtasý merekesi
1 - júrgizýshi:
Bul oqý tamaq bolar qarny ashqanda,
Jol tabar qarańǵyda adasqanda.
Mal ozbas bile bilseń bilim ozar,
Aqyry kerek bolar bir sasqanda – dep Muqaǵalı aqyn aıtpaqshy, "tarydaı bolyp kirip", aqyl oılary tolysyp, oń men solyn tanyp jaqsy men jamandy aıyra bilýdi úırengen shákirtterimizdiń uıymdastyrýymen ótkizilgeli otyrǵan «Attandyq bala shaqtan - bolashaqqa» atty merekesin bastaýǵa ruqsat etińizder!

2 - júrgizýshi: Qosh kelipsizder, qurmetti ata – analar, qymbatty ustazdar, oqýshylar! Búgingi kún osynda otyrǵan bárimiz úshin erekshe kún. Onyń ereksheligi sol, osydan 4 jyl buryn mektep tabaldyryǵyn júreksine attaǵan balalaryńyz bilimniń negizi bolatyn bastaýyshta oqyp, bilim alyp, qanattaryn qataıtyp bastaýysh synyppen qoshtasqaly otyr.

1 - júrgizýshi: Besiktegi balanyń,
Kúlgenin kórgen - bir murat.
Aldyna túsip ananyń.
Júrgenin kórgen - bir murat – degendeı, bastaýysh synypty bitirýshi túlekterimizdi ortaǵa shaqyraıyq!

2 - júrgizýshi:
Tolqımyz, tolqyp tursyz barshańyz da
Mundaı kúı bolǵan sirá qanshańyzda
Qol soǵyp, qoshemettep shaqyraıyq
Tórtinshi synyptardy ortamyzǵa!

İ s kelgende aldyna
Jan salmaıtyn qyzymyz
Er minezdi, kórikti
Danelá bizdiń erjúrek

Atyńnan aınalaıyn Abylaıhan degen
Seniń jaqsy isińe baǵa berem
Jeńis týyn tigersiń bolashaqta
Úmiti zor osy synyptyń saǵan degen

Aqmaral degen qyzymyz
Qatysqan talaı saıysqa
Tamyljytyp án aıtyp
Jetken talaı tabysqa

Bilimimen talaılardy tamsandyrǵan
Asyp kórshi bilimdi Nurasyldan
Synybyńa bol qashanda ardaqty
Aq jolyńnan taıma osyndaı salmaqty.

Úndemeı bárin tyndyrǵan
Synyptyń salmaqty qyzysyń
Jymıyp kúlgen kúlkisi
Dananyń tuıyq minezi - aı

Bilimdi, aqyldysy synyptaǵy
Talaı qıyn esepti quryqtady
Ádiljannyń aldynda talaı is tur
Bolashaqta jandyrar úmit otty

Ózi uıalshaq úndemes
Minezine eshkim teń kelmes
Úndemes qyz Merýertke
Synypta eshkim teń kelmes
Aq kóńildi Almasjan
Shynshyldyqty unatqan

Arý qyzy qazaqtyń
Mekteptiń bir ozaty
Kelbeti de symbatty
Gúlim bizdiń ıbaly

On saýsaǵynan óner tamǵan
Esepti de jańǵaqsha shaqqan
Sýretshimiz kishkentaı
Bekzat keldi ortaǵa

Barlyq iste alda júretin
Án, aıtyp, bıde bıleıtin
Synyptyń belsendi arýy
Dıana ónerli qyzymyz

Matematıka elinde jan salmaıtyn
Jaýabyn tabar talaı suraqtyń
Synybynyń ataqty belsendisi
Arǵyn keledi aramyzǵa kúlimdep

Er jigiti qazaqtyń
Erkesi Aqjol bir úıdiń
Adaldyqty jany súıgen qashannan
Bekzat ta bar qatarynan qalmaǵan

Er jigiti elimniń
Tulǵasy kókte samǵaǵan
Qatysqan talaı jarysqa
Sportshy Eldar sahnada 4 «a synyp jetekshisi Quralaı Baqytqyzy

Mýzyka áýenimen bastaýysh synyp túlekteri ortaǵa keledi.

Muǵalim: Sizderdiń aldaryńyzda turǵan 4 - synyp oqýshylary osydan 4 jyl buryn 6 jasar bala bolsa, búgin mine, es bilip, etek jıǵan shákirt. Mektep tabaldyryǵyn attaǵan kúnnen bastap «Álippemen qoshtasý», «Tilashar», dástúrli Naýryz toılary, «Hanzadalar men hanshaıymdar» saıysy, «Altyn kúz» merekesi, «Anam ekeýimiz», «Tolaǵaı» sıaqty otbasylyq saıystar, mánerlep oqý saıystary men ártúrli taqyrypta uıymdastyrylǵan kórmeler, synyparalyq sporttyq jarystar, ashyq sabaqtar men tárbıe saǵattary balalardyń esinde uzaq saqtalary sózsiz.
Armandasań da, qıaldasań da balalyq shaǵyń kóz aldyńa keledi. Óıtkeni, bıik asýǵa bettegen aıaýly ǵumyr, ǵajaıyp ómir osynaý bal kúlkili balalyq shaqtan bastalady. Mine, búgin bizdiń búldirshinder ómirine óshpes iz qaldyrǵan bastaýysh synybymen qoshtasyp, bir jylǵa taǵy da eseıgeli otyr. Endeshe qyzyqty da ǵalamat ózgerister syılaǵan, bilim nárimen sýsyndatqan, ómirde óz joldaryn tabýǵa jol siltegen ustazdaryna, ata - analaryna óz ónerlerin kórsetýge daıyn. Olaı bolsa oqýshylarǵa sóz kezegin bereıik!

Váls

Bala shaqqa bolashaqty jyrlatyp,
Shákirtterge oı túzetken symbatty.
Kún nuryndaı sáýle quıǵan kóńilge,
Armysyzdar, ustazdarym qymbatty!

Armysyzdar ájeler men analar
Urpaǵyńyz kúnde ózińnen bata alar.
El dástúrin máńgi syılap oqy dep,
Úıretken ǵoı Abaı, Ybyraı babalar

Armysyzdar ór tulǵaly ákeler!
Qyran qustaı balapanyn mápeler.
Búgin mine bastaýyshpen qoshtasady,
Azamat bop, keshegi sábı - erkeler!

Armysyń sen, altyn uıa mektebim
Saǵan aıtar jyr - alǵysym kóp meniń
Júrekterge jaqqan bilim shyraǵyn,
Mektebime arnalady bul ánim!

Án: «Ustazym» oryndaıtyn
Slaıd: «Mekteptegi merekeler»

Iá mektebimizge qandaı jyr arnasań da jarasady. Endeshe synyptastarymyzdyń mektepke arnaǵan jyrlaryn tyńdaıyq

1 oqýshy: Mektep degen bilim keni, jyr keni,
Mektep degen ǵylymnyń eń úlkeni.
Mektep degen tárbıeshi adamǵa.
Mektep degen danalardyń mekeni.

2 oqýshy: Mektebim - bilim berer altyn uıam.
Er jetip sende sózim, artty sanam.
Baýlyǵan 4jyl boıy ata - anamdaı.
Árqashan qasıetti atyń maǵan.
Arada ótse daǵy dúrkirep jyl,
Ár kúni balalyqtaı bir júrek bul.
Ózińe boryshtarmyn ómir boıy
Eseıgen shákirtińniń serti dep bil.

3 oqýshy: Armysyń sen altyn uıa mektebim,
Saǵan aıtar jyr alǵysym kóp meniń.
Júrekterge jaqqan bilim shyraǵyn,
Maqtan etem seni máńgi mektebim.

4 oqýshy: Ulylyqty ardaq tutar únemi,
Altyn uıa, aq bosaǵa kıeli.
Qanat qaqqan bilim alyp ózińnen,
Kúlli shákirt saǵan basyn ıedi.

5 oqýshy: Mektebim, altyn uıam, nuryń jaryq,
Jaınattyń úmitimniń gúlin jaryp.
Súıkimdi seniń kúmis qońyraýyń,
Turady qulaǵymda syńǵyr qaǵyp.

6 oqýshy: Mektep – úıim, ustazym meniń – ata - anam,
Sennen ósip, sennen ǵana nár alam.
Saıań ystyq, sen máýeli báıterek.
Tamyrlanyp, san tarapqa taraǵan.

7 oqýshy: Mektebim - súıikti mektebim,
Baýyryńda túleımin, kókteımin.
Sen – bulaq, men - qaıyń búr ashqan,
Ózińnen nár alyp kóktedim.

8 oqýshy: Mektep – keme, bilim – teńiz,
Barar jerge tez jetemiz.
Tórt jyl alǵan bilim nárin,
Azyq etip er jetemiz.
Án: «Úıretedi mektepte»

9: « Ustazdyq etken jalyqpas úıretýden balaǵa»,- dep Abaı atamyz aıtqandaı, alǵash qolymyzǵa qalam ustatyp, ońymyz ben solymyzdy tanytqan, bizben birge qýanyp, 42 áripti tanytyp, bilim nárimen sýsyndatqan, mekteptegi anamyz - ustaz ekeni bárimizge málim. Balalardyń ustazǵa arnaǵan án - jyrlaryn aıtpas buryn, ustaz týraly ne bilemiz?

10Ár shákirtin óz balasynan kem kórmeı, oqýǵa, jazýǵa úıretken muǵalim eńbegi sheksiz. «Muǵalim – mekteptiń júregi» - dep Ybyraı atamyz beker aıtpaǵan.

11 oqýshy: Durys aıtasyń Danel, ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, kókti sharlaǵan ǵaryshker de, bári - bári ustazdan bilim men tárbıe alǵan.

12 oqýshy: Iá, bul týraly batyr Baýyrjan atamyz: «Bolashaqtyń basshysyn da, danasyn da, ǵalymyn da, eńbekqor eginshisin de, kenshisin de ustaz ósiredi»degen eken. Olaı bolsa kelesi jyrlarymyzdy ustazdarymyzǵa arnaımyz!

13 oqýshy: Alǵashqy ustazymyz anamyzben teń keledi,
Bar asylyn bizge jıyp, mol beredi.
Qanatymen sý sebelep asyl jan,
Ár shákirtin balasynan kem kórmeıdi.

14 oqýshy: Tek úırettiń ádildikti, adaldyqty,
Jırendik, ajyrattyq jamandyqty.
Jalǵastyrar aq jolyń seniń salǵan,
Bar dep uqqyn árqashan balań myqty.

15 oqýshy: Jaryq kúnnen jyly júziń elester,
Qulaǵymda óziń bergen keńester.
Janarymda alys tartqan qara jol,
Kóz jumsam da kóre tuǵyn belester.

16 oqýshy: Qońyr úndi daýsyń ásem tańdardaı,
Ustazymnyń júzindegi nur qandaı?
Meıirlene qarap qoıyp bizderge,
Kún astynan sabaq berip turǵandaı

17 oqýshy: Ustazym! Ustazym óziń ediń asqaq ánim,,
Bastalǵan aq batańnan jas talabym.
Uǵyndym ulylyqtyń, danalyqtyń,
Ustazdyń ulaǵatynan bastalaryn.

18 oqýshy: Muǵalim ustazysyń balalardyń,
Bolashaq ǵalymdardyń, danalardyń.
Ómirde seniń alar orynyńa,
Biri de jetkize almas baǵalardyń.

19 oqýshy: Kep - keshegi jabyrqaý qaıda qalǵan,
Shyqpaýshy edik bir eli aınalańnan.
Meıiriń ba, ustazdyq júregiń be?
Jan dúnıesin balanyń jaýlap alǵan.

20 oqýshy: Nur quıǵan sanasyna zeıindiniń.
Nurly sham sáýlesindeı meıirimiń.
Daryttyń adamdyqty shákirtińe,
Damyttyń daryn otyn beıimdiniń.

21 oqýshy: Alǵashqy ustaz, erekshe tulǵa dara shyń,
Umytylmastaı kóńilde máńgi qalatyn.
Saǵyna árkez sýretterdi paraqtap.
Shákirtterin jıi eske alatyn.

22 oqýshy: Jaralǵan jaqsy úmitpen murattardan,
Jansyz ǵoı áldılegen shýaqty arman.
Jattalady jan júrekte esimińiz,
Adamnyń aıaýly úni sıaqtanǵan.

23 oqýshy: Shákirtter sizderdi aıtyp maqtanamyz,
Beıneńiz júrekterde saqtalady.
Biz áli bıikterden kórinemiz,
Úmit pen senimińiz aqtalady.

Bári: Myń alǵys sizge bizdeı túlekterden,
Myń alǵys myna otty júrekterden!

Án: «Ustazym» oryndaıtyn Aqmaral

24 oqýshy: Iá osydan 4 jyl buryn, biz 6 jastaǵy sábı - balalar sómkemizdi zorǵa kóterip, mektep tabaldyryǵyn jasqana attaǵan edik.

25 oqýshy: Endi mine saýatymyzdy ashyp, bilim negizin qalaǵan bastaýysh mekteppen qoshtasyp, orta býyn qataryna qosylǵaly turmyz.

26 oqýshy: Iá, mine saǵymdaı óte shyqqan 4jyl ishinde bizdi ustaz anamyz saýatty, tárbıeli, ónegeli azamat etip shyǵardy.
Endeshe bastaýysh synybymyz týraly nege aıtpasqa!

27oqýshy: Jasqana kirip jaryq synypqa biz.
Ár betin Álippeniń kúle ashqanbyz.
Muǵalim sabaq ótip jatqan kezde,
Qaıtalap atymyzdy surasqanbyz.

28 oqýshy: Ár úıdiń erke ósken tentegi edik,
Aqylǵa kele almadyq erte kónip.
Boıymyz birte - birte úırenisip.
Mekteptiń erejesin úırendik kep.

29 oqýshy: Ómirdegi jolymdy bir ózińnen bastadym,
«A» árpin alǵash sennen bastadym.
Ustazym esten ketpes máńgilikke,
Meıirimmen jaýyrynymnan qaqqanyń.

30 oqýshy: Birdeı bizdiń oıymyz da, syrymyz,
Bir mekteptiń uly menen qyzymyz.
Birdeı óstik oqýda da eńbekte,
Kúlip – oınap birimiz ben birimiz.

31 oqýshy: Bastaýyshta shyrqalmaǵan jyr bar ma?
Bastaýyshta aıtylmaǵan syr bar ma?
Bastaýyshta alǵan bilim, jyrlarym,
Azyq bolar, máńgi talaı jyldarǵa.

32 oqýshy: Bastaýyshym - bal bulaǵym,
Aldym sennen baldyń dámin.
Árip tanyp, bilim alyp
Rahmetimdi jaýdyramyn.

33 oqýshy: bastaýyshym - balbulaǵym
Laýlap janǵan sham shyraǵym.
Óziń bergen bilimińmen,
Samǵap ushar taý qyranyń.
34 oqýshy: Ótti sende qyzyq shaǵym,
Bastaýyshym - bal bulaǵym.
Qoshtasar kún jetti mine,
Qımastyqpen qol bulǵaımyn.

35 oqýshy: Bizder bastaýysh synypta joǵary synyptarda ótiletin Ádebıet, tarıh, bıologıa, algebra, fızıka, hımıa t b pánderge negiz bolatyn ana tili, matematıka, dúnıetaný, orys tili, pánderin zer salyp oqyp úırendik.

36 oqýshy: Anashymdaı syr shertken,
Aqyl - bilim úıretken.
Ana tilin oqydyq,
Erekshe zor qurmetpen.
Ana tilin súıemiz,
Qurmetpen bas ıemiz.
Ana tilmen qoshtasamyz,
Ádebıetpen dostasamyz.

37 oqýshy: Oılanyp esep shyǵartyp,
Tórt tańbany bildirgen.
Ǵylymdardyń patshasy,
Matematıka danasy

38 oqýshy: Qazaq tili páninen,
Bilim aldy balalar.
Sóılemdi, sóz taptaryn,
Etistiktiń shaqtaryn,
Jalǵaýlar men jurnaqtar.
Erejesin jattadym.
5 - shige barǵan soń,
Muǵalimder baǵalar.

39 oqýshy: Oı jiberseń bárine,
Dúnıetaný pánine.
Ómir syryn úıreter,
Pánniń jaqsy biri de.
Jer baılyǵy kóp eken,
Igerýdi qalaıdy.
Osynyń bárin bildirgen,
Dúnıetaný sabaǵy.

40 oqýshy: Úırenemiz jalyqpaı,
Aǵylshyn tilin sharyqtaı.
Til syndyryp, án aıtyp,
Shattanamyz qalyqtaı,
Indıra apaı tálimi
Sáýlesin shashqan jaryqtaı.

41 oqýshy: Shákirtin súıgen judyryqtaı júregi
Tym eńbekqor, jan - táni de ádemi
Shet tilimen shákirtterin qashanda
Aısulý apaı sýsyndatyp júredi

42 oqýshy: Bul tildiń san qyrlaryn baǵyndyrǵan
Sabaqtary bizderdi saǵyndyrǵan
Gúlmıra, Gúlsara apaılar sóılep ketse
Orysyńnyń ózinde jańyldyrǵan

43 oqýshy: Tabıǵat syılaǵanda sulýlyǵyn
Janattaı aǵaıymdaı uǵyndy kim?
Peızaj, natúrmort, keskindeme
Eshqaısysy tań emes maǵan búgin

44 oqýshy: Marǵulan aǵaı sanalady jeke dara
Mektepte onsyz ótpes onsyz shara
Denińiz saý bolsyn dep tileımiz biz
Ánińizdi jattaǵan árbir bala

45 oqýshy: Kim bilmeıdi mektepte Gaýhar apaıdy
Sport dese joqtan ol bar jasaıdy
Qashanda sport zaldan tabylatyn
Syılaımyz biz shynyqtyrýshy Erdos aǵaıdy

46 oqýshy: Monıtor, pernetaqta sózdiń basy
Órmeleıdi kompútermen órge tasyń
Búginde jaHandaný zamanynda
Tolqyn apaıymnyń zor ǵoı bizge «bási»
ÁN: « Meıirban ustaz» or - tyn Tańsholpan
Bı: « Cha - cha - cha» Aıaýlym, Serik, Danel, Arǵyn
47 oqýshy: Bizdiń jamandyǵymyzdy jasyryp, jaqsylyǵymyzdy asyryp júrgen bizdiń ata - anamyz. Qatarymyzdyń teńi bolyp, tamaǵymyz toq, kóılegimizdiń kók bolyp júrýi de sol kisilerdiń arqasy.

48 oqýshy: Ystyq - aý kim - kimge de áke degen,
Sýyqqa shalyndyrmaı, mápelegen.
Ómirdiń soqpaǵymen órge tartyp,
Aldymen adam bol dep jetelegen - degendeı ákeniń orny bólek aý.

49 oqýshy: Ákeshim tileýimdi tilep júrgen,
Aýmaısyń jaryǵy mol ashyq kúnnen.
Sharshaısyń jumys istep bizder úshin.
Aqyldy balalaryń ony bilgen.

50 oqýshy: Ár ana óz balasyn meıirimdi bolsa eken, jaqsy oqyp, elge qalaýly azamat bolsa eken deıdi. Halqymyzda mynadaı bir naqyl sóz bar: «Anańdy Mekkege úsh ret arqalap barsań da boryshyńdy óteı almaısyń» degen Alaıda ardaqty anamyzdyń aq sútin aqtaı bilgenge ne jetsin!

51 oqýshy: Iá, durys aıtasyń Aıǵanym. Biz bolashaqta sanaly da, aqyldy bala bolyp óssek ananyń armany oryndaldy degen osy emes pe?

52 oqýshy: Dúnıege ákelgen, ol da seniń anashyń,
Aq sút berip ósirgen, ol da seniń anashyń.
Til almasań keshirgen, ol da seniń anashyń,
Mápelegen balasyn, aman bolsyn anashym!
53 oqýshy: Keýdemnen sezim seli aqtarylsyn,
Bolarmyn kúni erteń - aq maqtanyshyń.
Bilim alyp, ter tógem, eńbek etem,
Ózińniń senimińdi aqtaý úshin!

Án «Analar» oryndaıtyn Aqmaral
«Grýzın bıi» uldar toby
Bı: « Tańǵy jańbyr» qyzdar toby
Án « Bastaýyshym - balbulaǵym» Aqmaral, Danel

54 oqýshy: Jetekshi bop júrdińiz túlegińe
Bizderdi oılap kóńilińiz júdedi de,
Shákirtter tyńdańyzdar ustaz sózin,
Sizderge arnap aıtatyn tilegin de - deı otyryp sóz kezegin ustazdarymyzǵa beremiz!

Ustaz tilegi:
Ólkemizdiń aınalyńdar erteńine,
Senimderdiń aınalyńdar serperine.
Ustazdyq aq júrekten men tileımin,
Tek sáttilik – shákirtterim erteńińe.
Aınalaıyn jap - jarqyn júzderińnen,
Alastaıtyn janyńdy kúz kóńilden.
Men senderge máńgilik tilekshimin,
Tilek tilep turatyn izderińnen.

1 júrgizýshi Kelesi quttyqtaý sózdi mektebimizdegi dırektordyń tárbıe - isi jónindegi orynbasary Iskakova Janara Tóleýbekqyzyna beremiz.

Kelesi sóz dırektordyń orynbasary Jurtybaeva Gúlmıra Beısbekovna men Kaırbekova Zaýre Aıtbekqyzyna beriledi

2 júrgizýshi: Kelesi quttyqtaý sózdi balapandarynyń ónerine tánti bolǵan meıirimi mol ata - analarǵa bersek.
1 júrgizýshi
Demeńizder biz ónerdi aıap qaldy,
Mezgil de biraz jerge taıap qaldy.
Saý bolyp turyńyzdar kezdeskenshe,
Osymen búgingi kesh aıaqtaldy. Birge: Kezdeskenshe saý - salamatta bolyńyzdar.