
- 11 tam. 2025 10:24
- 21
Atyraý turǵyny Ýkraınadaǵy soǵysqa qatysqany úshin 5 jylǵa sottaldy
Atyraý turǵyny Ýkraınadaǵy soǵysqa qatysqany úshin 5 jylǵa sottaldy,-dep habarlaıdy Infohab.kz.
Atyraý qalasynyń №2 qalalyq soty jergilikti turǵyndy "Shetel aýmaǵyndaǵy qarýly qaqtyǵysqa qatysý" babymen (QK 172-bap) kináli dep tanyp, bes jylǵa bas bostandyǵynan aıyrdy. Bul bap boıynsha zańda 5 jyldan 9 jylǵa deıingi túrme jazasy kózdelgen.
Tergeý málimetinshe, ol Reseıde jumys istep júrgende Reseı Qorǵanys mınıstrligimen kelisimshart jasap, Ýkraınadaǵy soǵysqa attanǵan. Qaqtyǵys aımaǵynda jaraqat alǵany da habarlandy.
Sot úkimi áli zańdy kúshine engen joq. Qazaqstan zańnamasy azamattarǵa sheteldegi qarýly qaqtyǵystarǵa qatysýǵa qatań tyıym salady.