InfoHub Logo

Atyraý oblysynda 4 myńnan astam adam kólik salyǵy boıynsha bereshegi bar. Bul týraly Óńirlik komýnıkasıalar qyzmeti habarlady.

Bul týraly Infohub.kz aqparat agenttigi habarlaıdy.

Kólik salyǵy boıynsha bereshek

Aımaqtaǵy Memlekettik kirister departamenti basshysynyń mindetin atqarýshy Bısem Iýsýbalıevtiń aıtýynsha, jeke tulǵalar jyl saıyn 1 sáýirge deıin kólik salyǵyn, al 1 qazanǵa deıin múlik salyǵyn tóleýge mindetti. Ótken jylǵa eseptelgen múlik salyǵyn tóleý merzimi 2026 jyldyń 1 qazanyna deıin belgilengen.

Búgingi tańda 4 246 adamnyń kólik salyǵy boıynsha 321 mıllıon teńge bereshegi bar. Onyń 226 mıllıony – negizgi qaryz, 95 mıllıony – merzimi ótkeni úshin eseptelgen aıyppul.

Múlik salyǵy boıynsha 10 415 adamnyń 50 mıllıon teńge bereshegi tirkelgen.

Salyq tólemeýdiń saldary

Merziminde salyq tólemegen jaǵdaıda, salyq tóleýshige habarlama jiberiledi. Eger qaryz ótelmese, salyq buıryǵy shyǵarylyp, materıaldar májbúrlep óndirip alý sharalaryn qoldaný úshin jeke sot oryndaýshylaryna beriledi.

Kólik salyǵyn esepteýdegi ózgerister

Bıyldan bastap kólik salyǵyn esepteý tártibine ózgerister engizildi. Endi kóliktiń jasy ulǵaıǵan saıyn salyq júktemesi azaıady. 10 jyldan asqan jeńil kólikterge salyq 30%, al 20 jyldan asqan kólikterge 50% jeńildik qarastyrylǵan.

Sonymen qatar, sharýa qojalyqtary bir pıkap úshin salyqtan bosatylady.

Jyljymaıtyn múlik salyǵy

Qymbat múlik ıeleri úshin jańa salyq tártibi engizildi. Eger bir adamnyń úıleri, ǵımarattary jáne basqa da múlikteriniń jıyntyq quny 450 mıllıon teńgeden assa, bul shekten asqan somaǵa qosymsha 2% salyq esepteledi.