Photo: Ron Lach (https://www.pexels.com/@ron-lach) / Pexels
Balasyn urǵan anany Jetisýda májbúrli emdeýge jiberdi
Jetisý oblysynda 4 jasar ulyn uryp-soqqan 28 jastaǵy áıelge qatysty qylmystyq is boıynsha sot sheshim shyǵardy. Panfılov aýdandyq sotynda áıeldiń isi qaraldy.
Bul týraly Infohub.kz aqparat agenttigi habarlaıdy.
İstiń mán-jaıy
Buǵan deıin Nurkent kentinde áıeldiń óz balasyn uryp, batareıaǵa baılap tastaǵany habarlanǵan edi. Qylmystyq is qozǵalǵannan keıin sot-psıhıatrıalyq saraptama taǵaıyndaldy. Sarapshylar áıeldiń jeńil aqyl-esi kemdigi jáne minez-qulqyndaǵy eleýli buzylýlar anyqtalǵanyn aıtty. Olardyń qorytyndysy boıynsha, áıel oqıǵa kezinde óz áreketteriniń mánin túsinbegen jáne olardy basqara almaǵan.
Sot sheshimi
Sot áıeldi qylmystyq jaýapkershilikten bosatyp, ony jalpy tıptegi psıhıatrıalyq stasıonarǵa májbúrli emdeýge jiberý týraly sheshim qabyldady. Sondaı-aq, áıeldiń jaǵdaıyna baılanysty sot prosesine qatysa almaıtyny jáne ózine de, aınalasyndaǵylarǵa da qaýip tóndiretini aıtyldy.
Áıeldiń eki balasy Taldyqorǵandaǵy balalar mekemesine ornalastyryldy. Olar tárbıeshiler men dárigerlerdiń qaraýynda, sondaı-aq psıholog pen logopedpen jumys isteýde. Qamqorshylyq organdary balalardyń taǵdyryna qatysty odan ári sheshim qabyldaý úshin materıaldardy daıyndap jatyr.
-
Atyraý oblysynda 4 myńnan astam adam kólik salyǵy boıynsha bereshegi bar. Bul týraly Óńirlik komýnıkasıalar qyzmeti habarlady.
-
A court in Zhetysu region has ordered a 28-year-old mother, who severely beat her 4-year-old son, to undergo mandatory psychiatric treatment due to her mental state.
