InfoHub Logo

Atyraý oblysynda ata-anasyn óltirdi degen kúdikpen Indonezıada ustalǵan Aqbaıan Muqanǵalıeva men Sultan Sársemálıevke qatysty jańa derekter shyqty. Jelide erli-zaıyptylardyń qolyna kisen salynǵan kúıi túsken sýretteri paıda boldy.

Bul týraly Infohub.kz aqparat agenttigi habarlaıdy.

Sýrette Sultan Sársemálıevtiń eki qolyna da kisen salynǵany, al janynda otyrǵan Aqbaıan Muqanǵalıevanyń qolynda kisenniń joq ekeni baıqalady. Olardyń artynda turǵan adamdar Indonezıa polısıasy qyzmetkerleri bolýy múmkin.

Qamaýǵa alý jáne ekstradısıalaý

Buǵan deıin erli-zaıyptylar Lombok aralynyń Senarý aýylynda ustalǵan bolatyn. Qazirgi ýaqytta olardy Qazaqstanǵa ekstradısıalaý máselesi qarastyrylyp jatyr. Arnaıy operasıa 24 aqpanda júrgizilgen. Quqyq qorǵaý organdary qonaqúıge kirgen kezde Sársemálıev qashýǵa tyrysqanymen, ustalyp qalǵan.

Jelidegi pikirler

Áleýmettik jeli qoldanýshylary Aqbaıannyń jaǵdaıyna alańdaýshylyq bildirip, onyń esin bilmeıtindeı, ózdiginen júrip-tura almaıtyn halde ekenin aıtýda.

Qylmysqa qatysty málimetter

Eske sala keteıik, Sársemálıev pen Muqanǵalıeva byltyr qarasha aıynda Atyraý oblysynyń Jangeldın aýylynda Muqanǵalıevanyń ata-anasyn óltirdi degen kúdikke ilingen. Qaza tapqan erli-zaıyptynyń deneleri óz úıleriniń qora-jaıynyń astynan tabylǵan. Tergeý nusqasy boıynsha, kúdiktiler qylmys izderin jasyryp, múlikter men aqshany ıemdengen.