InfoHub Logo

Atyraý qalasy sońǵy úsh kún boıy qalyń shań-tozańnyń astynda qaldy. Qalanyń kósheleri bozaryp, ǵımarattardyń reńi bulyńǵyr tartty. Kólikter tipti kúndizdiń ózinde faralaryn jaǵyp júrýge májbúr boldy. Bul jaǵdaı qalanyń tynys-tirshiligin birshama tejep, turǵyndardy alańdatty.

Bul týraly Infohub.kz aqparat agenttigi habarlaıdy.

Kóshelerdegi tyǵyzdyq azaıdy

Qala kósheleri ádettegiden tys bos qaldy. Avtomobılderdiń aǵyny azaıdy, aıaldamalardaǵy adamdar sany da sıredi. Syrtqa shyqqandar betterin maskamen nemese oramalmen jaýyp alǵan. Aýadaǵy shańdy sezýge bolady, ol kıimge de jabysyp qalady.

Keıbir aýdandarda kókjıekti nashar kórýge bolatyndyqtan, júrgizýshiler jyldamdyqty azaıtýǵa májbúr boldy. Jaıaý júrginshiler kózderin qysyp, jelden qorǵanýǵa tyrysty.

Balyqshylar ádettegideı

Tek ózenniń muzyndaǵy jaǵdaı ózgerissiz qaldy. Balyqshylar burynǵydaı óz oryndarynda otyr. Olarǵa aıazdy jel men sur kók aspan da kedergi bola almady.

Atyraý oblysy boıynsha ekologıa departamentiniń málimetinshe, bul shańdy daýyl Kaspıı teńiziniń sýy azaıǵan aýmaqtarymen baılanysty bolýy múmkin. Monıtorıń stansıalary lastaýshy zattardyń shekti jol beriletin konsentrasıasynyń asyp ketýin tirkemegen.

Turǵyndarǵa múmkindiginshe kóshede júrýdi azaıtý usynyldy. Bos qalǵan kóshelerge qarap, kópshiligi bul usynysty oryndaǵanǵa uqsaıdy.

Aıgúl MANSÝROVA

Foto avtory