InfoHub Logo

Atyraý qalasyndaǵy mektepterdiń birinde 8-synyp oqýshysy pyshaq jaraqatyn aldy. Oqıǵa ornyna jedel járdem men polısıa qyzmetkerleri keldi.

Bul týraly Infohub.kz aqparat agenttigi habarlaıdy.

Oqıǵanyń mán-jaıy

Aldyn ala málimetter boıynsha, pyshaqtap alǵan 9-synyp oqýshysy. Kúdikti ustalyp, ata-anasymen birge polısıa bólimine jetkizildi. Barlyq prosesýaldyq áreketter onyń zańdy ókilderiniń qatysýymen júrgizilýde.

Qazirgi ýaqytta polısıa qyzmetkerleri qajetti tergeý áreketterin júrgizip jatyr. Oqıǵanyń mán-jaıy anyqtalýda.

Qylmystyq is qozǵaldy

Bul derek boıynsha qylmystyq is qozǵaldy.

«Jasóspirimniń ata-anasy da bala tárbıesindegi mindetterin tıisinshe oryndamaǵany úshin jaýapqa tartylatyn bolady», - dep qosty vedomstvo.

Ózge aqparat tergeý múddesinde jarıalanbaıdy.

Densaýlyq jaǵdaıy

Atyraý oblystyq densaýlyq saqtaý basqarmasy habarlaǵandaı, zardap shekken qyzǵa ýaqtyly medısınalyq kómek kórsetildi.

Alǵashqy tekseristen jáne shuǵyl kómek kórsetilgennen keıin ony odan ári baqylaý jáne emdeý úshin oblystyq balalar aýrýhanasyna jetkizdi.

«Pasıenttiń jaǵdaıy ortasha aýyrlyqta, turaqty dep baǵalanady. Ol dárigerlerdiń turaqty baqylaýynda jáne qajetti kólemde medısınalyq kómek alýda. Emdeý tolyq kólemde júrgizilýde», - dep atap ótti oblystyq densaýlyq saqtaý basqarmasy.