dalanews.kz
Atyraýdaǵy otbasy ólimi: Sultan Sársemálıev ákesin kórgende shydaı almaı jylady
Atyraý oblysynyń qylmystyq ister jónindegi mamandandyrylǵan sotynda tórt adamnyń ólimine qatysty is boıynsha kýágerlerden jaýap alý bastaldy. Sottyń úshinshi otyrysynda basty kúdikti, 29 jastaǵy Sultan Sársemálıevtiń ata-anasy kýá retinde shaqyryldy.
Bul týraly Infohub.kz aqparat agenttigi habarlaıdy.
Ákesin kórgende kóz jasyn tyıa almady
Sot otyrysynda Sultan Sársemálıevtiń ákesi Samıǵolla Sársemálıev alǵashqy kýágerlerdiń biri boldy. Ákesi sóz sóılep turǵanda, uly Sultan ózine-ózi ıe bola almaı, kóz jasyna erik berdi. Alaıda, sýdıa Zarema Hamıdýllına onyń jaǵdaıyn suraǵanda, Sársemálıev ózin jaqsy sezinetinin aıtty.
Otbasynyń joǵalýy men ólimi
Oqıǵa 2025 jyldyń jeltoqsan aıynda Atyraý oblysy Jangeldın aýylynda bolǵan. Polısıaǵa 66 jastaǵy er adam, 64 jastaǵy áıel jáne olardyń 32 jastaǵy uly men 35 jastaǵy qyzy habar-osharsyz ketkeni týraly habarlama túsken. Týystarynyń aıtýynsha, otbasy qarasha aıynan beri baılanysqa shyqpaǵan.
Tórteýi de izdeý salynǵannan keıin óli kúıinde tabyldy. Bul qylmysqa kúdikti retinde otbasynyń kúıeý balasy Sultan Sársemálıev tanyldy.
-
Atyraýdaǵy sot prosesinde Sultan Sársemálıevtiń advokatynyń áreketi kúmán týdyrdy. Alǵashqyda memleket bergen qorǵaýshymyn degen advokat keıinnen sottalýshynyń ózi jaldaǵanyn moıyndamady.
-
Atyraýdaǵy otbasylyq tragedıa sotynda marqumdardyń týystary kúdiktiniń áreketine qatysty aıtylmaǵan mán-jaılardy baıandady.
