InfoHub Logo

Atyraý oblysynda tórt adamnyń ólimine qatysty aıyptalyp jatqan Sultan Sársemálıevtiń soty jalǵasýda. Kezekti otyrysta birneshe kýá jaýap berdi.

Bul týraly Infohub.kz aqparat agenttigi habarlaıdy.

Úıdi jalǵa alý jáne tólemder

Sotta Munaıshy yqshamaýdanyndaǵy úıin Sársemálıevtiń otbasyna jalǵa bergen azamat ta kýálik etti. Onyń aıtýynsha, otbasy bul baspanany 2023 jyldan bastap jaldap turǵan. Aı saıynǵy 50 myń teńge jaldaý aqysy belgisiz bir azamattyń atynan bank arqyly aýdarylyp otyrǵan. Alaıda, keıbir kezeńderde otbasy úıdi jaldamaı da qalǵan.

Úı ıesiniń aıyptalýshymen sońǵy suhbaty

Úı ıesi sotta ótken jyldyń 7 jeltoqsanynda Sultan Sársemálıevpen sóıleskenin aıtty. Sol kezde aıyptalýshy áıelin emdetip júrgenin aıtyp, endi úıdi jaldamaıtynyn jetkizgen. Sýdıa Zarema Hamıdýllına kýágerdiń tergeý kezinde bergen jaýabyn oqyp berdi. Onda úı ıesiniń baspanaǵa tek qajet bolǵan kezde ǵana baryp turǵany aıtylǵan.

Úıdiń jaı-kúıi jáne kúdikti zattar

«Áıelin bir-aq ret kórdim, onyń ózinde syrtynan ǵana baıqadym. Balalaryn múlde kórgen emespin. Áıeli oramalda edi. Shamamen 27 jeltoqsanda úıge baryp, esik aldyndaǵy tastyń astynda turǵan kiltterdi aldym. Úıdiń ishin qaraǵanda eshqandaı shashylǵan zattar nemese daqtar baıqalmady. Úıdi tazalap ketkenin kórdim», – delingen kýágerdiń jaýabynda.

Sondaı-aq kýáger sotta máıitti oraýǵa paıdalanylǵan kilemniń ózine tıesili emes ekenin málimdedi. Onyń aıtýynsha, úı aýlasyndaǵy dýshtyń ishinde eki kúrek pen bir aıyr turǵan.