InfoHub Logo

Atyraý oblysyndaǵy Jangeldi aýylynda bolǵan qandy oqıǵa jurtshylyqty dúrliktirdi. Sultan Sarsemalıev esimdi azamat áıeliniń týystaryn birinen soń birin qatarynan óltirgen.

Bul týraly Infohub.kz aqparat agenttigi habarlaıdy.

Alǵashqy qurban – 32 jastaǵy Naýryz, ıaǵnı Sarsemalıevtiń áıeli Aqbaıan Muqanǵalıevanyń týǵan inisi. Ol 2024 jyldyń mamyr aıynda zeınetker kúıeý balasynyń qolynan qaza tapqan. Keıin, alty aı ótken soń, qarasha aıynda Sarsemalıev áıeliniń ata-anasy men sińlisin de óltirgen.

Qandy qylmystyń mán-jaıy

Tergeý organdary Sultan Sarsemalıevtiń bul qylmystardy eshkimniń kómeginsiz, jalǵyz ózi jasaǵanyn anyqtady. Qaıtys bolǵandardyń denesinen pyshaq jaraqatynyń izderi tabylǵan. Olardyń barlyǵynyń denesinde altydan astam jaraqat bolǵany aıtyldy. Ókpe-baýyryna, moınyna jáne basqa da mańyzdy organdaryna pyshaq suǵylǵan.

Sot-saraptamasynyń qorytyndysy boıynsha, Sarsemalıevtiń esi durys ekeni anyqtaldy. Al onyń áıeli Aqbaıan Muqanǵalıevaǵa qatysty tergeý áli jalǵasýda. Onyń bul qylmysqa qatysy bar-joǵy áli belgisiz. İs aldaǵy mamyr aıynda sotqa berilýi múmkin. Marqumdardyń týystary isti ashyq sotta qaraýdy talap etip otyr.

Qaıǵyly oqıǵanyń egjeı-tegjeıi

Buǵan deıin Atyraý oblysy Jangeldi aýylynan 66 jastaǵy Maqsot Qarabalın men 64 jastaǵy Násip Óteshqalıevanyń máıitteri tabylǵan bolatyn. Jubaılardyń ekeýi de múgedek bolǵan. Olar mal sharýashylyǵymen aınalysyp, aýyldan sırek shyǵyp otyrǵan.

Naýryz ben Meıramgúldiń máıitterin tabý uzaqqa sozyldy. Olardy tek kúdikti Sultan Sarsemalıevti Indonezıadan Atyraýǵa ákelgennen keıin ǵana tapty. Sol kezde ol óz úıiniń janyna kómgenin aıtqan.

Aqbaıannyń qazirgi jaǵdaıy

Qaza tapqan zeınetkerlerdiń qyzy, qazirgi ýaqytta kúdikti retinde qaralyp jatqan Aqbaıan Muqanǵalıevanyń týystary onyń jaǵdaıyna túsinistikpen qaraýdy suraıdy. Olar Aqbaıannyń óz otbasyn óltirýi múmkin emes ekenine senedi. Týystarynyń aıtýynsha, qylmysty tek Sultan Sarsemalıev jasaǵan. Qazir Aqbaıan emdeý mekemesinde jatyr. Sultan ekeýiniń bes balasy bar.