InfoHub Logo

Atyraý oblysy, Jangeldın aýylynda oryn alǵan qaıǵyly oqıǵaǵa qatysty kúdikti retinde tanylǵan Sultan Sársemálıevtiń anasy kelini Aqbaıan Muqanǵalıevanyń densaýlyǵyna baılanysty jańa derekterdi aıtty. Ananyń aıtýynsha, quzyrly organdar jaǵdaıdy durys túsinbegen.

Bul týraly Infohub.kz aqparat agenttigi habarlaıdy.

Jýrnalıs Rýslan Ótepbaıdyń «Kelinniń shashyn nege tyqyrlap alyp tastadyńyzdar?» degen suraǵyna kúdiktiniń anasy bylaı dep jaýap berdi:

Shashtyń alyný sebebi

«Kelinniń ústi-basyna jara shyǵyp ketti. Bıttep ketti. Sodan amalsyz shashyn alyp tastaýǵa týra keldi. Men ózim ruqsat berdim. «Sultan, shashyn al! Túni boıy basyn qasyp, jara qylyp aldy. Jaımasynyń bári jaranyń qabyǵynan kórinbeıdi. Balalarǵa juǵyp júrer. Masqara bolamyz», dedim. Sultan qımady, óıtkeni jaqsy kóredi ǵoı súıip qosylǵan kelinshegin. Aqbaıan da qarsy bolmady, tipti rahattanyp qaldy. Basyn appaq qylyp jýdym. Qan quıylǵannan keıin reaksıa berip, jara shyqqan eken. Ony polısıa basqasha túsindi. «Nege aldyńyz shashyn? Olaı ala ma?» dep, basqasha oılapty. «Kúıeýinen taıaq jep, shashyn ózi aldyrǵan» dep oılaǵan. Olardyń arasy jaqsy edi, eshqandaı kıkiljiń bolǵan joq», - deıdi ana.