Atyraý–Dýbaı baǵytyndaǵy reıster ýaqytsha toqtatyldy
Air Astana áýe kompanıasy 28 maýsymnan bastap Atyraý–Dýbaı baǵyty boıynsha reısterdi ýaqytsha toqtatty. Buǵan ushý ýaqytynyń edáýir uzarýy sebep bolǵan.
Kompanıa málimetinshe, Astana men Almatydan Dýbaıǵa baǵyttalǵan reıster Iran men Irak áýe keńistigin aınalyp ótýge baılanysty ózgeristermen jalǵasady. Bul jaǵdaı Atyraýdan tikeleı reısterdiń oryndalýyna keri áser etken.
Ýaqytsha toqtatylǵan reısterge bılet alǵan jolaýshylarǵa Atyraýdan basqa baǵyttarǵa nemese Almaty men Astanadan Dýbaıǵa tegin qaıta brondaý, sondaı-aq bılettiń tolyq qunyn qaıtarý usynylyp otyr.
Air Astana bul sharalar jolaýshylar qaýipsizdigi men ushý erejelerine sáıkestikti qamtamasyz etý úshin qabyldanǵanyn atap ótti.
You Might Also Like
-
400 mıllıon teńgeden astam qarjy jymqyrǵan: MÁMS tóraǵasynyń orynbasary Ǵalymjan Ábilov qamaýǵa alyndy
-
Taıaý Shyǵystaǵy ahýal taǵy shıelenise tústi. Iran Izraıl aýmaǵyna qaraı júzdegen balıstıkalyq zymyran ushyrdy. Bul týraly birqatar halyqaralyq aqparat agenttikteri habarlady.
