Aqtaýlyq túlekter merekelik keshten bas tartyp, júrekpen bólisti
Aqtaý qalasyndaǵy mamandandyrylǵan IT-lıseıdiń 11-synyp oqýshylary bıylǵy mektep bitirý keshin qaıyrymdylyqpen almastyrdy. Jas túlekter sán-saltanatty merekeden bas tartyp, oǵan bólinetin qarajatty erekshe qajettiligi bar balalarǵa kómektesetin «Perishte» ortalyǵyna aýdarýdy jón kórdi.
Igi iske lıseıdiń 97 túlegi bir aýyzdan kelisip, ortaq sheshim qabyldaǵan. Bul – tek materıaldyq emes, rýhanı damýdyń da aıqyn kórinisi. Olar bul bastamany ómirlik ustanym men jaýapkershiliktiń sımvoly retinde baǵalaıtynyn jetkizdi.
Mektep ujymy men ata-analar da bul sheshimdi qoldap, jas túlekterge alǵysyn bildirdi. Al «Perishte» ortalyǵynyń ujymy bul kómektiń balalar úshin úlken qýanysh pen qoldaý ekenin atap ótti.
Jastardyń bul áreketi – ózgelerge úlgi, qoǵamda meıirimdilik pen janashyrlyqtyń áli de bar ekenin dáleldegen jarqyn oqıǵa.
You Might Also Like
-
Másele bastan asady: Kólik mınıstri ne úshin kútpegen jerden qyzmetinen ketti?
-
Soltústik Qazaqstan oblysynda eki jasar balanyń ómirin bir sáttik beıqamdyq jalmady. Qaıǵyly jaǵdaı 13 maýsym kúni Petropavl qalasyna qarasty Birlik shaǵynaýdanynda tirkeldi. Sábı kúnbaǵys dánine qa...
