InfoHub Logo

Áýejaılardaǵy tekserý kezinde kóptegen zattardy alyp qalýy múmkin. Halyqaralyq áýe kóligi qaýymdastyǵy (IATA) júkterdi tasymaldaý erejelerin qataıtty. Bul ózgerister jolaýshylardyń qaýipsizdigin qamtamasyz etý maqsatynda engizildi.

Bul týraly Infohub.kz aqparat agenttigi habarlaıdy.

IATA-nyń jańartylǵan «Qaýipti júkterdi tasymaldaý erejeleri» qujatyna sáıkes, kóptegen qaýipti zattardy jolaýshylar ushaqtaryna bagajǵa da, qol júgine de salýǵa tyıym salyndy. Alaıda, keıbir zattar belgili bir sharttarmen ushaq bortyna ruqsat etiledi.

Jeke paıdalanýǵa arnalǵan elektronıka men medısınalyq qurylǵylar

Jeke paıdalanýǵa arnalǵan telefondar, noýtbýkter, planshetter, fotokameralar sıaqty qurylǵylardy alyp ótýge bolady. Sondaı-aq, 100-160 Vatt-saǵattyq akýmýlátorlardy avıakompanıanyń ruqsatymen tasymaldaýǵa múmkindik bar.

Medısınalyq qurylǵylar qatarynda CPAP apparattary, ıngalátorlar, ınsýlın sorǵyshtary (denege taǵylǵan jaǵdaıda), spırti bar kosmetıkalyq quraldar (shash lagy, parfúm) jáne sporttyq nemese turmystyq maqsattaǵy janýy joq aerozolder (2.2 klasty) bar.

Aıta keteıik, barlyq suıyqtyqtardyń jalpy kólemi 2 keli nemese 2 lıtrden aspaýy tıis. Árbir jeke zattyń salmaǵy 0,5 keli nemese 0,5 lıtrden artyq bolmaýy kerek. Aerozol klapandaryn kezdeısoq búrkýdi boldyrmas úshin mindetti túrde qalpaqshamen nemese basqalaı qorǵaý qajet.

Qol júginde ǵana ruqsat etiletin zattar

Qosalqy akýmýlátorlar, ıaǵnı paýerbankter tek qol júginde ǵana tasymaldanady. 100 Vatt-saǵatqa deıingi lıtıı-ıondy akýmýlátorlardy shekteýsiz alýǵa bolady. Al 100-160 Vatt-saǵattyq akýmýlátorlarǵa adam basyna eki danadan artyq emes degen shekteý qoıyldy.

Sondaı-aq, bir dana synap termometrin (qabymen) tasymaldaýǵa bolady, biraq bul úshin áýekompanıanyń ruqsaty kerek. Bir qorap sirińke de ruqsat etilgen.

Tek bagajda tasymaldanatyn zattar

Sporttyq oq-dárilerdi adam basyna 5 keliden asyrmaı, myqty, qulyptalǵan konteınerde tasymaldaýǵa bolady. Bul úshin de avıakompanıanyń kelisimi qajet.

Syra quramy 24-70 paıyz aralyǵyndaǵy alkogóldi sýsyndardy adam basyna 5 lıtrden asyrmaı, tek zaýyttyq qaptamada tasymaldaýǵa ruqsat etiledi.