InfoHub Logo

Áleýmettik jelide burynǵy prezıdent Nursultan Nazarbaevtyń sýreti bar kilemshege aıaq súrtý týraly vıdeo tarap, qoǵamda qyzý pikirtalas týdyrdy. Kadrlarda úıdiń kireberisine tóselgen kilemshege kishkentaı qyzdyń aıaǵyn súrtep turǵany kórinedi.

Bul týraly Infohub.kz aqparat agenttigi habarlaıdy.

Vıdeo TikTok jelisinde «Adam Smıt» paraqshasynda jarıalanǵan. Vıdeoda áıel adam kireberistegi kilemsheni kórsetip, «Mundaı kilemshege shynymen aıaq súrtip kirý kerek pe?» dep tańdanysyn bildiredi.

Jazba jelide tez taralyp, qoldanýshylar arasynda ártúrli pikirler týyndady. Keıbiri bul áreketti qoldap, mundaı sımvoldyq qadamdy durys dep baǵalady. Alaıda, basqa bir bóligi adamnyń beınesin aıaq astyna tóseý durys emes ekenin aıtyp, mundaı áreketke qarsy pikir bildirdi. Olar qandaı pikir aıtylsa da, Nursultan Nazarbaev Qazaqstan tarıhynda eldiń tuńǵysh prezıdenti retinde qalatynyn alǵa tartty.

Qysqa ǵana vıdeo qoǵamda ártúrli kózqarastyń bar ekenin taǵy bir ret kórsetti.