InfoHub Logo

Deńgeıi: _____ bazalyq
Sabaqtyń túri: aralas
Cabaqtyń leksıkalyq taqyryby: Áýesqoılyq
Sabaqtyń maqsaty:
1. Tyńdalym, oqylym, jazylym, sóılesim jattyǵýlary arqyly til úırenýshilerdiń sózdik qory men til baılyǵyn arttyrý;
2. Jańa sózderdi meńgertý arqyly oı - pikirin tolyq jetkizýge daǵdylandyrý, sóıleý mádenıetin qalyptastyrý;
3. Tildi úırenýge qyzyǵýshylyqtaryn, memlekettik tilge degen qurmetin arttyrý.
Kórneki quraldary: slaıdtar, sandar, paraqshalar, jumys dápteri, kádesyı, kýveıtkalar.
Qoldanylatyn ádis - tásilder, jumys túrleri: túsindirý, oı qozǵaý, suraq - jaýap, sýretpen jumys, oıyndar, oqylym, tyńdalym, jazylym, sóılesim.

Cabaqtyń barysy:
İ. Uıymdastyrý kezeńi: Oqytýshynyń kirispe sózi.
Qaıyrly kún qurmetti konferensıaǵa qatysýshylar!
Meniń sabaǵym bazalyq deńgeıge arnalǵan.
Sabaqtyń taqyryby «Áýesqoılyq» dep atalady.
İ. Psıhologıalyq jaǵdaıat. Tanysý.
- Eń birinshi ózimdi tanystyrǵym kelip tur.
- Meniń atym Anar Qalymjanqyzy.
- Al, endi sizdermen tanysaıyq, aldaryńyzda mynadaı kýveıtkalar tur. Osy kýveıtkalarǵa ózderińizdiń attaryńyzdy jazyńyz jáne attaryńyzdyń bastalatyn árpine bir syn esim jazyńyz. Ol syn esim sózderdiń bir jaqsy qasıetterińizdi bildiretin sóz bolsyn. Mysaly: Men aqkóńil Anarmyn.
- Tamasha, barlyqtaryńyzben tanys boldyq. Sabaǵymyzdy ár qaraı jalǵastyraıyq.

İİ. Jańa sózdermen tanysý
- Sizderge «Artyǵyn tap» oıynyn usynǵym keledi. Jumys dápterlerińizdi ashyńyzdar. Tapsyrma boıynsha tórt sóz berilgen, sonyń ishindegi artyǵynyń astyn syzyńyzdar.

«Artyǵyn tap» oıyny
1. Bor, taqta, kompúter, japsyrma
2. Tereze, áýestik, ústel, esik
3. Jınastyrý, qaıshy, qaǵaz, jelim
4. Orman, toǵaı, dala, toptama
5. Mektep, ǵımarat, tósbelgi, mekeme.
6. Kitap, dápter, jınaq, óshirgish.
7. Sánqoı, kóńilshek, erinshek, áýesqoı.
8. Maqtan etý, suraq qoıý, jaýap berý, jazý.

Qanekeı, qaısy artyq? Birinshi artyq sóz qandaı? Kelesi.... Al, endi osy sózderdi qalaı túsinemiz? (Japsyrma - nakleıka, kelesi, áýestik – ývlechenıe, hobbı; jınastyrý – sobırat; toptama – koleksıa; tósbelgi - znachok, jınaq - koleksıa, áýesqoı – ývlechennyı, maqtan etý - gordıtsá)

Óte jaqsy, báriń, durys aıttyńyzdar. Bul sózder búgingi bizdiń sabaǵymyzdyń jańa sózderi.
Osy sózderdi bekitý maqsatynda. Kelesi tapsyrmany oryndaımyz.

Berilgen sóılemderdi qajetti sózdermen tolyqtyryńyzdar.
1. Azamat «Ósimdik álemi» taqyryby boıynsha markalardy... júr. (jınastyryp)
2. Ol biraz ýaqyt... jınaýmen.... (japsyrma, áýestendi)
3. Sáýleniń... qansha... bar? (toptamasynda, tósbelgi )
4. Aıgúl óz toptamasyn.... (maqtan etedi)
5. Búgin sabaqta «Meniń...» taqyrybyna shyǵarma jazdyq. (áýesqoılyǵym)
6. Kúláshtiń... júzden astam tósbelgi bar. (jınaǵynda)

İİİ. Oqylym.
Áýesqoılyq – «ývlechenıe, hobbı» dep te aıtamyz. Bul sóz 18 ǵasyrda nemis tilinde «aǵash oıynshyq» degen maǵynany bildirgen. Belgili kompozıtor Volfgang Mosart 3 jasynan mýzykamen áýestengen, 4 jasynda pesalar jazyp, mýzykalyq konsertter qoıǵan. Shvesıa koroli GýstavV keste tigýmen áýestengen. Arnold Shvarsenegger Hammer mashınasynyń oıynshyqtaryn jınaǵan. Danıa hanshaıymy Margaret sýret salýdy jaqsy kórgen. Orys patshasy Petr İ kúmis aqsha jınaýmen áýestengen.

a) Mátindi tizbektep oqý
á) «Sýretter sóıleıdi» tapsyrmasy. Sizder berilgen sýretterdi mátin boıynsha tıisti sóılemdermen sáıkestendiresizder.

İV. Gramatıkalyq taqyryp: Shyǵys septiginiń jalǵaýlary men astam demeýligi
San esimge shyǵys septiginiń - nan - nen; - dan - den;- tan - ten jalǵaýlary jalǵanyp bul sózge astam demeýligi qosylý arqyly mólsherinen artyq degen maǵynany bildiredi.
Mysaly: Jınaqta on+nan astam japsyrma bar.

V. Jazylym
Tapsyrma: Berilgen sandardy shyǵys septiginiń jalǵaýy men astam demeýligin qosý arqyly sózben jazyńyz.
1. KAZTEST júıesi boıynsha test tapsyrýǵa 100 memlekettik qyzmetker qatysty. 2. Sábıra dúkennen 50 tósbelgi satyp aldy. 3. Toptamaǵa 220 japsyrma jınaldy. 4. Gúlnár óz toptamasyndaǵy qyzyl qyzǵaldaq gúliniń 90 túri bar ekenin maqtan etedi. 5. Jınaqqa 60 túrli - tústi asyl tasty buıymdardyń kóshirmesi jasaldy.
1. 100 –
2. 50 –
3. 220 –
4. 90 –
5. 60 –
Sergitý sáti: “Qate shyqqan faks ”oıyny
Sharty: 3 - 4 adamnan turatyn 3 komanda ortaǵa shyǵady. Ár komandanyń sońynda turǵan adam jazylǵan daıyn paraqshadaǵy sózdi tańdaıdy. Sol adam aldyńǵy turǵan adamnyń arqasyna sózdi sýretteıdi (sýretin salady) ekinshi adam óz aldyndaǵy adamnyń arqasyna túsingeni boıynsha sýretin salady, al sońǵy tyńdaýshy ne salynǵanyn aıtýǵa tıis. (Úı, gúl)

Vİ. Tyńdalym. Beınefılm
«Sirińkeden maket jasaıtyn boksshy»

- Tyńdalym boıynsha vıktorına suraq - jaýap.
- Qolymda 5 kádesyı bar. Bul zattarda Býrabaı óńiriniń sýretteri beınelengen.
- Osy zattardy kim alǵysy keledi? Zatty ózderińizge alý úshin, sizder tyńdalym mátini boıynsha suraqtarǵa jaýap berýlerińiz kerek.

1) Sportshy Bograt Grıgorán sporttyń qaı túrimen aınalysady? (boks)
2) Sportshy nemen áýestenedi?(sirińkeden maket jasaýmen)
3) Shirkeý jasaýǵa qansha ýaqyt ketti? (1 jyl)
4) Qazir sheberdiń qansha týyndysy bar. (20 jýyq)
5) Mátin ishinde taqyrypqa saı qandaı sóz kezdesedi? (hobbı)
6) Makettiń bıiktigi neshe santımetr? (1 metr 40 sm)

VIİ. Sabaqty qorytyndylaý. Sóılesim. Berilgen suraqqa jaýap alý arqyly sóılesimdi júzege asyrý
Sizder bos ýaqyttaryńyzda nemen aınalysasyzdar, nemen áýestenesizder?
Tyńdaýshylar ózderi nemen áýestenetini týraly áńgimeleıdi.
Úıge tapsyrma: jańa sózderdi jattaý, olarmen sóılemder qurý.

Aqmola oblysy, Býrabaı aýdany,
Tilderdi oqytý ortalyǵynyń
Mashırova Anar Qalymjanqyzy