InfoHub Logo

Keńes ókimeti kezinde bir aýylda bir-aq Quran boldy desek, artyq aıtqandyq bolmas. Onyń ózi ne moldanyń, ne ata-babasy dindar bolǵan adamdardyń úıinde ǵana bar edi. Sondaı bir kezeńde, musylman eliniń bir ǵalymy Bosnıaǵa barǵan eken. Sol jerde bir janazaǵa qatysady. Marqumdy jerlep jatqanda, qabirinen sondaı bir keremet mısktiń ıisi shyǵady. Álgi ǵalym adam marqumnyń otbasyn izdep barady. Ǵalym jubaıynan: «Erińiz qandaı adam edi? Ol kisini qabirine qoıǵanda, erekshe bir mısktiń ıisi shyqty. Sonyń sebebin aıtyp berińizshi», — dep ótinedi. Jubaıy: «Qojaıynym ondaı oqyǵan adam emes. Biraq, bes ýaqyt namazyn oqyp, jaman sóz aıtý, jamandyq jasaýdy bilmeıtin jan edi. Bizdiń aýylda bir-aq Quran bar bolatyn. Bul kitap kezek-kezek aýyldaǵy ár úıge bir kúnge ǵana beriletin. Otaǵasy óziniń kezegi jarty jylda bir kelgende, qatty qýanyp, barlyq ynta-jigerimen daıyndalatyn. Beıne bir ózine «jıp» mashınasyn syılaǵanda, qýanǵan adamdaı qýanatyn. Quran úıge keler aldynda ǵusyl quıynyp, eń jaqsy kıimderin kıip, hosh ıisti sebinetin. Kálam-sharıf qolyna tıgende, súıip, mańdaıyna tıgizetin.

Odan keıin, ózi Quran oqı almasa da, ár betin ashyp, sıpap, qushaqtap súıip: «Mynaý meniń Rabbymnyń sózi», — dep, tań atqansha otyratyn. Mine, osyndaı ǵana amaly bar bolatyn», — dep jaýap beripti. Álgi ǵalym: «Abdýllah bın Masǵudtan (radıallahý anh) jetken hadıste Paıǵambarymyzdyń Muhammed (aleıhıssalam): «Kimde-kim Allahý ta’alany qanshalyqty jaqsy kóretinin bilgisi kelse, Quranmen aradaǵy qarym-qatynasyna qarasyn», — degen edi. Sizdiń joldasyńyz Qurandy qurmet etkeni úshin osy dárejege jetken eken», — depti.

Qýat Qabdolda

---