InfoHub Logo

Eger qalanyń shýynan sharshap, tynyshtyq pen tabıǵat aıasynda demalýdy armandasańyz, Almatydan shamamen 320 shaqyrym jerde ornalasqan Tuzkólge saıahat jasaýdy usynamyz. Bul – demalys kúnderine arnalǵan tamasha jospar.

Bul týraly Infohub.kz aqparat agenttigi habarlaıdy.

Tuzkólge qalaı jetýge bolady?

Almatydan Tuzkólge deıingi qashyqtyq – shamamen 320 shaqyrym. Joldyń basym bóligi asfáltpen jabylǵan, tek sońǵy 10 shaqyrymy ǵana kedir-budyrly, keptirilgen topyraq jol. Baǵyt boıynsha Kegen, Saryjas, Qarasaz aýyldarynan ótip, Tuzkólge jetesiz. Sońǵy úlken janarmaı quıý beketi Kegende ornalasqan, sondyqtan kóligińizdi sol jerde toltyryp alǵan jón.

Kól jaǵasynda qonaqúıler men týrısik bazalar joq. Kópshilik bir kúndik saıahatpen keledi nemese shatyr tigip, avtokólikterimen túneıdi. Uıaly baılanys pen ınternettiń jumysy turaqsyz, sondyqtan aldyn ala kartalardy júktep, marshrýtty daıyndap alý qajet.

Tuzkólge barýdyń eń qolaıly ýaqyty – mamyrdan qyrkúıekke deıin. Ásirese, tań men kesh batarda Han Táńir men Jeńis shyńdarynyń kórinisi erekshe áser qaldyrady.

Nege Tuzkólge barý kerek?

Tuzkólge barýdyń basty sebebi – onyń tańǵajaıyp kórinisteri. Ashyq aýa raıynda kól jaǵalaýynan Qazaqstannyń eń ásem tabıǵatyn tamashalaýǵa bolady. Munda Táńir taýynyń eki ataqty shyńy – Han Táńiri men Jeńis shyńyn birden kórýge múmkindik bar.

Anyqtama: Han Táńiri – Táńir taýynyń eń tanymal shyńdarynyń biri. Ol Qazaqstan, Qyrǵyzstan jáne Qytaı shekarasynda ornalasqan. Shyńnyń bıiktigi 6995 metr, muz qabatymen qosa eseptegende 7010 metrge jetedi. Álemdegi eń ádemi taýlardyń biri sanalatyn Han Táńiri Ortalyq Azıa álpınıseri arasynda erekshe suranysqa ıe.

Ásirese, tań men kesh batarda taý shyńdary qyzǵylt jáne altyn tústerge boıalyp, kóz arbaǵan kórinis qalyptasady. Fotograftar osyndaı sátterdi túsirý úshin qaıta-qaıta keledi.

Anyqtama: Jeńis shyńy – Táńir taýynyń eń bıik shyńy jáne álemdegi eń qıyn shyǵýǵa bolatyn taýlardyń biri. Bıiktigi – 7439 metr. Bul shyń Qyrǵyzstan men Qytaı shekarasynda, Han Táńirine jaqyn ornalasqan. Qatal klımaty, qatty jelderi men kúrdeli relefine baılanysty Jeńis shyńy Ortalyq Azıadaǵy eń qaýipti shyńdardyń biri bolyp sanalady.

Saparǵa shyǵar aldynda ne bilý kerek?

Tuzkól – tabıǵattyń taza qalpyn súıetinder úshin tamasha oryn. Munda baılanys nashar nemese múldem joq. Internettiń ózi de sırek. Jaqyn mańda qonaqúıler de joq, sondyqtan kópshilik bir kúndik saıahatpen keledi nemese shatyr tigip túneıdi.

Saparǵa shyǵar aldynda mynalardy umytpańyz:

Kól jaǵalaýynda kóbine birneshe kúnge tynyshtyq, balyq aýlaý jáne ásem tańdardy tamashalaý úshin kelgen avtotýrıserdi kezdestirýge bolady.

Qyzyqty derek

Tuzkól – Qazaqstandaǵy eń tuzdy kólderdiń biri. Keı jyldary sýdyń mıneraldaný deńgeıi lıtrine 300 gramǵa jetýi múmkin. Bul kórsetkish Óli teńiz ben AQSH-taǵy Úlken tuzdy kólmen salystyrýǵa bolady. Sondyqtan munda shomylý óte tyǵyz sýda júzgendeı áser qaldyrady.

Tuzkóldi jappaı týrızm orny deýge kelmeıdi. Munda ádettegideı ınfraqurylym, dámhanalar men oıyn-saýyq oryndary joq. Biraq adamdar dál osy sebepti osynda keledi.

Eger demalys kúnderin qaladan tys jerde ótkizip, Han Táńirdiń eń ásem kórinisterin tamashalap, tynyshtyqta batqan kúndi qarsy alyp, ystyq qala asfáltynan salqyn taý aýasyna shyqqyńyz kelse, Tuzkól – Almaty mańyndaǵy eń úzdik avtokólik marshrýttarynyń biri bolyp qala bermek.