InfoHub Logo

Nan alýshylardyń arasynan báz bireýler oǵan jalǵan aqsha beretin. Alaıda naýbaıshy jalǵan aqsha ekendigin bile tura lám mım demeıdi. Qaı kezde bolmasyn jalǵan aqsha usynǵan kisiniń suraǵan nanyn beretin. Sol mańaıda turatyndardyń barlyǵy onyń bul áreketinen de habardar bola bastaıdy. Tipti onyń bul qylyǵyna da tańdanatyn. Biraq eshkim syryn túsinbedi.

Kúnderdiń kúninde ajal sáti kelgende naýbaıshy qolyn jaıyp; «Áı meniń Uly Rabbym! Kóptegen jyldar boıy keıbir pendeleriń nan alý úshin maǵan jalǵan aqsha berip keldi. Biraq men, olardyń aıybyn betine baspadym, jalǵan aqshalaryn keri qaıtarmadym. Únemi keshirimmen qaradym. Suraǵanyn berip kelgenimdi bilesiń, Allahym! Dál qazir men, Seniń quzyryńa shynaıy bolmaǵan, shala qulshylyqtarymmen birge baramyn. Olardy betime baspa!», dep jalbarynyp duǵa qylǵan eken.

Bireýdiń aıybyn jasyrý adamgershilikten, musylmanshylyqtan bolyp tabylady. Árbir adamnyń qateligi men kemshiligi bolady. Ózgeniń qateligimen, kemshiligimen aınalysyp, ózin umytqandardyń hali nendeı kúlkili deıdi izgiler. Al ózin-ózi esepke tartyp júrgen kisi kúná ataýlydan arylyp izgi jandardyń qataryna enýi ábden múmkin. Bir hadıs shárıfte bylaı deıdi:

Ózgeniń kemshilikterimen aınalyspaı, óz kemshilikterimen shuǵyldanǵan jandy súıinshileımin.

Bireýdiń minin kórgenshe, 
Jamandyǵyn tergenshe, 
Óz oıyńdy mazalap, 
Óz boıyńdy tazalap, 
Ózińmen alys ólgenshe!

Shákárim Qudaıberdiuly

---