InfoHub Logo

Bilim salasy: «Áleýmettik orta».
Taqyryby: «Aýrýhana» (Sújettik - róldik oıyn)
Maqsaty: Balanyń sóz qoryn, til baılyǵyn damytý. Bir - birine degen jaǵymdy qarym – qatynas, kóńil - kúı sezimderin, oı - qıalyn odan ári damytý; oıyn arqyly balalarǵa qorshaǵan ómir jaıly keń bilim qoldana otyryp, tárbıeleý. Oıyn barysynda aq halatty abzal jandardyń ıgilikti eńbegine degen balalardyń súıispenshiligin arttyrý. Dárigerdiń sezimtaldyǵy men kishipeıildigi, qamqorlyǵy sıaqty jaqsy qasıetterin jetkize bilý jáne tárbıeleý.
Qural - jabdyqtary: Aq halat, oıynshyqtar, túrli sújettegi plakattar, medısınalyq oıynshyq qural - jabdyqtar.
Aldyn - ala jumystar: toptyń ishi aýrýhanadaǵydaı bezendirilgen, túrli sala boıynsha kabınetter jasalǵan, (tis dárigeri, kóz dárigeri, t. b.) maketter qoıylǵan.

Barysy:
Balalarmen birge shattyq sheńberin qurý:
Aspanymyz ashyq bolsyn,
Elimiz tynysh bolsyn.
Denimiz saý bolsyn,
Dostarymyz aman bolsyn!

Tárbıeshi: Biz tisimiz, ishimiz aýyrsa qaıda baramyz?
Balalar: Dárigerge.
Tárbıeshi: Dáriger qaıda jumys jasaıdy?
Balalar: Aýrýhanada, emhanada.
Tárbıeshi: Olaı bolsa, búgin biz sendermen «Aýrýhana» oıynyn oınaımyz. Qane, balalar ózderiń oryndaryńa baryp jaıǵasa qoıyńdar.
Balalar ózderiniń oryndaryna baryp jaıǵasady.(Aldyn ala rólderge bólingen balalar dárigerlik sala boıynsha «Aýrýhana kabınetterinde» otyrady).
Alǵash bolyp, balalar dárigerine bir ana qyzymen keledi.

Ana (Baný):- Salamatsyz ba, dáriger?
Dáriger (Nesibeli):- Salamatsyz ba?
Ana:- Meniń qyzyma ekpe salý kerek edi, qyzymdy tekserip jiberińizshi.
Dáriger:- Jaraıdy (qyzdy tekserip, ókpesin tyńdaıdy) qyzyńyzdyń tamaqqa tábeti qalaı?
Ana:- Ia, jaqsy.
Dáriger:- Olaı bolsa, myna jeke medısınalyq kitapshasyn alyp, medbıkege baryńyz. Sizge ekpe salyp beredi.
(Pedıatrǵa (balalar dárigerine) taǵy kezekte turǵan ata - ana balasymen kiredi).
Ata - ana (Toǵjan):- Salamatsyz ba, meniń qyzymnyń ishi aýyryp tu, r tamaqqa tábeti joq.
Dáriger: Salamatsyz ba, qane qyzyńyzdy teksereıin. Aýzyńdy asha ǵoı, keshe qandaı tamaq jediń?
Ata - ana: Keshe keshkisin kókónisterdi kóp jep qoıǵan.
Dáriger: (tekserip kóredi de, qaǵazǵa resept jazyp beredi). Myna dárilerdi alyp, kúnine 2 mezgil berińiz.

Ata - ana: Rahmet dáriger. Saý bolyńyz!
(Kelesi kabınette tis dárigeri (Stomatolog) otyrady. Bir ata - ana balasymen kiredi).
Ata - ana:- Salamatsyz ba, dáriger.
Tis dárigeri:- Salamatsyz ba, kelińiz.
Ata - ana:- Meniń balamnyń tisi túnimen aýyryp shyqty. Kórip jiberińizshi.
Dáriger:– Qane, aýzyńdy asha ǵoı. (Tekserip kóredi). Tisińdi qurt jep qoıypty. Tátti nárseni kóp jeme. Kúnine 2 mezgil tisin tazalaý kerek. (Balanyń tisin emdeıdi.)
Ata - ana: – Rahmet sizge, dáriger!
Dáriger: - 2 saǵattaı esh nárse jemeńizder, saý bolyńyz!
(Kelesi kabınette kóz dárigeri (Okýlıs) otyrady. Okýlıske bir ata - ana balasymen keledi).
Ata - ana:- Salamatsyz ba? Meniń balamnyń kózi qyzaryp ketti, tekserip jiberińizshi.
Kóz dárigeri: – Salamatsyz ba! Qane, kózińdi asha ǵoı. (Kózin arnaıy quralmen tekserip kóredi). Kózińdi shań - tozańnan qorǵaý kerek, teledıdardyń aldynda kóp otyrýǵa bolmaıdy, kompútermen de oınama, myna dárilerdi kúnine 2 mezgil tamyzý kerek.
Ata - ana:- Rahmet, dáriger. Saý bolyńyz.
(Ortada «Dárihana» (Apteka) bolady.)

2 - ata - ana:- Salamatsyz ba!
Dárihanashy: – Salamatsyz ba!
Ata - ana:- Myna dárilerdi maǵan berińizshi.
Dárihanashy: (Resept boıynsha dárilerdi taýyp beredi). - Minekeı alyńyz. Aýyrmańyzdar, saý bolyńyz!

4 - ata - ana:- Salamatsyz ba!
Dárihanashy: – Salamatsyz ba!
Ata - ana:- Maǵan kózge tamyzatyn dári kerek (qaǵazyn beredi).
Dárihanashy: - Minekeı dárińiz. Aýyrmańyzdar, saý bolyńyz!
(Sújettik - róldik oıyn osy jerden aıaqtalady).
Tárbıeshi: Balalar, jaraısyńdar. Al endi, balalar, bizge búgin qonaq kele jatqan sıaqty.
(Osy kezde esikten balabaqshanyń medbıkesi kirip keledi.)
Medbıke:- Salamatsyńdar ma, balalar! Qal - jaǵdaılaryń jaqsy ma? Densaýlyqtaryń qalaı? Búgin barlyǵyń appaq bolyp, ádemi bolyp ketipsińder.
Tárbıeshi: Salamatsyz ba, dáriger. Biz búgin «Aýrýhana» oıynyn oınap, dáriger rólinde boldyq. Qurmetti dáriger, bizdiń balalarymyzdyń sizderge arnalǵan taqpaq, maqal - mátelderi bar. Tyńdap kórińiz.
(Baný. Aıajan. Symbat.)

Medbıke: Oı jaraısyńdar, balalar, osylaı aqyldy bala bolyńdar. Al endi men sen senderdiń ańǵarympazdyqtaryńdy baıqaıyn. Maǵan bir oıyn oınap berińdershi.
Tárbıeshi: Qanekı, balalar, biz qazir sendermen «Ne artyq?» degen oıyn oınaıyq.
(Ortada turǵan medısınalyq quraldardyń arasynda jemis - kókónister, oıynshyqtar turady. Balalar artyq zatty tabý kerek.)
Tárbıeshi: Al, balalar, qural - jabdyqtyń barlyǵy aýrýhanaǵa qajetti zattar. Al endi osynyń ishinde medısınalyq quralǵa jatpaıyn ne nárse. Qanekeı ne artyq?
(Balalar artyq zattardy alyp, kórsetedi).
Tárbıeshi: Jaraısyńdar, balalar, tapqyrlyq tanyttyńdar.
Dáriger:– Jaraısyńdar, balalar, tapqyr ekensińder. Rahmet senderge. Al endi men senderge óz syılyǵymdy ala keldim. Senderge óte paıdaly, qunarly tamaqtaný kerek. Kúndelikti jýynyp, taza bolyp júrý kerek jáne dárýmender paıdalaný kerek. Men senderge búgin dárýmender ala keldim. Minekeı ala qoıyńdar.
Tárbıeshi: Rahmet sizge, dáriger!
Al, balalar, osymen búgingi «Aýrýhana» oıynymyz aıaqtaldy. Aýyrmaıyq, denimiz saý bolsyn!

Kútiletin nátıje:
Jańǵyrtady: aýrýhana týraly balalar biletin túsinikterin eske túsiredi;
Túsinedi: dárigerlerdiń túrli salaǵa bólinip, qyzmet etetindikterin túsinedi;
Qoldanady: rólderge bólinip oınaý arqyly dáriger eńbegin baǵalap, úırenedi,
olardyń qıyn jumystaryna qurmetpen qaraıdy.