InfoHub Logo

Avtokrannyń uzartylǵan jebeleri Uzartylǵan jebeniń negizgi jebeden aıyrmashylyǵy – negizgi jebeniń ajyraıtyn jerine árqaısysy 4 metrden 1/3 nemese 1/2 jáne túgeldeı bir seksıany ornatady. Seksıalardyń konstrýksıalary jebeniń konstrýksıasy sıaqty. Olardyń ushynda dıafragmalar ornatylǵan. Olar jebeniń ornyqty jumys isteýine múmkindik berip, jaǵdaı týǵyzady. Seksıalardy negizgi jebege nemese negizgi jebeniń ushyna burandalarmen jáne saýsaqshalarmen qosylady. Uzartylǵan jebesi bar qurylǵy júk arqanynyń qorymen, jebe kótergish polıspastynyń uzynyraq tartqyshymen jáne jebeniń shyǵýyn kórsetetin qurylǵysymen erekshelenedi. Keıbir krandarda jebe polıspastyna uzartylǵan arqandar qondyrylady. Uzartylǵan jebesi bar krandar negizgi jebesi bar krandarǵa qaraǵanda júk kótergishi áldeqaıda az. Osyǵan baılanysty aspaly ilmektegi júk arqanynyń syzbasy ózgergen jaǵdaıda shyǵyrlardyń sany az qalýy kerek. Kerek emes shyǵyrlardy alyp, aspaly ilmektiń osine eki tólke qoıylady. Negizgi jebelerdi uzartý úshin tıisti bıiktiktiń terezesine jiberedi de, jebeniń joǵarǵy jáne tómengi bólimindegi bekitý bólshekterin sheshedi, al keıbir jaǵdaılarda jebeli arqandar kerilip, sheshiledi. Bólimderin ornatqannan keıin arnaıy tesikterine burandalaryn burap, saýsaqshalaryn kıgizedi. Flanesti túrde qosqanda jebeniń ós syzyǵynyń jalpy uzyndyǵy 12 m bolǵanda 15 mm-den astam maıyspaýy tıis. buǵan jetý úshin flanesterdiń qosylatyn jerlerine retteýshi tyǵyndar salyp, keltiredi. Bir jerge úshten kóp retteýshi tyǵyn salýǵa bolmaıdy. Burylystaǵy qurastyrý men bólshekteý jumysy qolaıly bolý úshin retteýshi tyǵyndardy bólimge pisirip bekitý qajet, al flanester arasyna tańbalaý jumysy usynylady.

---