InfoHub Logo

«Sosıalısik Qazaqstan» gazetiniń Qostanaı oblysyndaǵy tilshisi bolyp bir jyl jumys istegende. gazet úshin habar-oshar, ocherkterden basqa bitirgen sharýam — «Tabylǵan teńiz» atty poves jazdym. Onym «Arqalyq» degen atpen Qostanaı oblystyq gazetinde birshama jarıalandy.

Keıin Almatyǵa kelgen soń sony mashınkaǵa kaıta bastyryp, Jazýshylar odaǵyna baraıyn. Ábý aǵa Sársenbaev konsýltant eken. Sálemdesip, qoljazbany sol kisige tapsyrdym.

Araǵa birshama ýaqyt salyp, aldyna qaıta baryp edim, qolymdy ún - túnsiz alyp, ornynan turdy. Bir túrli kemsendegen sıaqty. Kúdiktenip qaldym. «Jaratpaǵan eken-aý» dedim.

Sóıtsem, moınymnan qushaqtap turyp, arqamnan qaqty dersiń.

Sen jaı jýrnalıs pe desem, jazýshy ekensiń ǵoı. Ádebıetimizge jańa bir jas talant keldi, soǵan qýandym, — desin Ábekem.

Kóp uzamaı sol poves Ábdijámil Nurpeıisovtyń ıleýinen ótip, «Juldyz» jýrnalynda basyldy.

Arada talaı jyldar ótti. Men «Qazaq ádebıeti» gazetiniń, bas redaktorymyn. Kabınetke Ábý aǵa keldi.

— Astrahan oblysyna júrip bara jatyrmyn. Saǵan materıal .ala kelemin. Basasyń ǵoı?

— Jaqsy bolsa, basamyz.

Ýádesinde turdy. Alyp keldi.

Astrahan oblysynda qazaqtar kep eken. Qarny tok, kóılegi kók. Biraq qazaqsha mektep, teatr joq. Bul úlken másele. Ózi Reseıge qaraıtyn oblys. Qurmanǵazynyń beıiti sonda. Basyndaǵy belgi jupyny. Tamaǵy tok bolǵanmen ulttyq rýhanı azyǵy joq bolsa, ol qazaq qaıda barady?

Ábý Sársenbaev osyny asa bir janashyrlyqpen, jan kúızelip aıaýshylyqpen jazǵan eken.

Jaqsylap jarıaladyq.

Sodan soń Qazaqstannan tysqary júrgen aǵaıyn arasyndaǵy jansyz tamyrǵa qan júgire bastady. Mektepter ashylyp, bul jaqtan ol jaqqa qazaqsha oqýlyqtar, ádebıet, kitaptar jiberildi.

Osydan eki jyl buryn Astrahan oblysyndaǵy Altynjar degen jerde uly Qurmanǵazynyń basyna aq ordadaı kúmbez turǵyzylyp, ol orasan jıyn-toı retinde saltanatpen ashyldy.

Ashylýyna men de qatystym. Sonda Ábý aǵany eske aldym.

Otandy, ultty, ádebıetti, onyń bolashaǵyn súıý úshin kóp aıqaıdyń keregi joq. Ábekeńdikindeı tynymsyz, janashyr, tabandy áreket kerek.

Qazir kózi tiri júrgen aqyn-jazýshylarda Ábý Sársenbaıuly mańdaıynan súıip, basynan sıpamaǵany kemde-kem.

«Jaqsy adam qartaısa — qazyna» degen osy. Toqsannan asyp kóz jumǵan Ábekem qazyna edi.

1999 jyl

---